المساعد الشخصي الرقمي

مشاهدة النسخة كاملة : جهازGPS من انتاج شركة DELL


المدهش
28/07/2003, 01:48 AM
السلام عليكم ورحمة الله وبركاته
مريت اليوم على الرميح حق الاسلحه ومعي الغالية الساكتونه ابي اسويله صيانه علشان خبركم الموسم قرب الله يجيب الخير
وشفت عندهم جهاز من شركة DEEL والحقيقه انه جازلي ويقول راعي المحل انه نفس نظام الكمبيوتر وانه يخزن كامل خرائط المملكه
وقاعدة بيانات اكثر من 7100 موقع وفيه دليل جغرافي للمحافظات والهجر والشعبان والاوديه والحقيقه فيه مميزات كثيره جدا
وحجمه صغير قد كف اليد وشاشته بالمس زي صراف الراجحي وياليت من يقدريقارنه مع القارمن وسعره تقريبا 1900يالله ياشباب همتكم اما نبيع القارمن والى نصرف نظر وياليت اعرف انزل صور كان وريتكم شكله
المدهش
28/07/2003, 02:51 AM
اعتقد ان السعر هو حوالي 2900 ليس كما ذ كرت 1900 واسف على الغلط
المدهش
29/07/2003, 01:10 AM
وش دعوى كل هالقراء ولا واحد عطانا وجه
وينك ياخوي ياالسعلو يامرعب الاجهزه تكفى عطنا خبر هالجهاز
السعلو
29/07/2003, 08:32 AM
الحقيقة انني بعد ان اطلعت على موضوعك دخلت على الياهو وسويت بحث ابغى ادور جهاز GPS من شركة DELL بس قال الياهو .... معصي مافيه جهاز بها المواصفات

قات اجرب القوقل جربت ايضاً قال لي نفس الشيء لذلك و الله احترت بغيت ارد عليهم و اقول لهم انتم اللى معصي ( اخونا المدهش شافه ) وشلون تقولون انه ماهوب موجود .

لذلك اخي الكريم ربما الجهاز هو PDA او PocketPC و ليس جهاز GPS ومركب عليه وصلة GPS بس انت عطنا الخبر الاكيد وازهل الموضوع نفليه لك فلي .

وان حل اسم الجهاز او رقم الموديل علشان احطه بعين الياهو ( ترى احسن )

وتسلم يالغالي وتقبل تحياتي

اخوك
السعلو ( مرعب الاجهزة ) ..... جديدة اقدر اضيفها لتوقيعي يا السمح
المدهش
29/07/2003, 12:13 PM
اخوي السعلو (مرعب الاجهزه) سلمه الله
فعلا الجهاز من فصيلة البرمائيّات(pocket pc)
بامكانك تمر على محلات الرميح للبنادق وتشوفه بدل مايتغلون عليك هالشركات
وشكرا على اهتمامك
السعلو
29/07/2003, 01:14 PM
ما دام انه من البرمائيات على قولك pocket pc خلاص فالموضوع محلول

المشكلة اخي الكريم ان هذه الاجهزة تبغى خرائط جيدة تكلف الشيء الفلاني و بعدين المشكلة الاخرى وين تحط هالخرايط اذا كانت ذاكرة الجهاز على احسن تقدير 64 ميغابايت ( خرائط المملكة على شكل صور تحتاج على الاقل 1 جيجابايت ) لا و صور يعني مضعفة في درجة الوضوح ومختصرة الالوان فيها الى 16 لون فقط .

لذلك لا بديل لجهاز ال جي بي اس في الوقت الحاضر

وان كان وصلت للسعر 2900 ريال انصحك تنتظر شوي وتاخذ كيوتيك الجهاز الجديد اللي يبي ينزل يمكن قبل الشتاء او تاخذ جهاز سامسونج اللي كتب عنه اخونا الفرعاوي

والا ان كنت مسعجل لا تتعدى جهاز فوجستوسمنز لأنه الارخص و الافضل يعني توفر على الاقل 1000 ريال .

اخوك
السعلو
المدهش
30/07/2003, 02:50 AM
ماقصرت يالسعلوادري اني اتعبتك واشغلتك معي جهاز البرمائيات صرفنا نظر
والجهاز الثاني الي ذكره الفرعاوي مابعد جا طيب الجهاز الثالث فوجستوهذا وشو
رعاك الله
akhan
30/07/2003, 05:49 PM
مشكورين شباب على هذه المعلومات
المدهش
30/07/2003, 11:47 PM
الاخ السعلو حفظه الله
الجهاز الي اتكلم عنه وطاحت اصابعي وتحفّرت لوحة المفاتيح من كثر مااشرح
هو الي استفسر عنه اخونا ابوخالد عن جهاز الكويتك واخونا اسير الشوق وضع صورة الجهاز بس فيه ايضا جهاز شبيه له مكتوب عليه DELL
ودمتم سالمين
القناص
13/08/2003, 02:48 PM
السلام عليكم

طلع اسمه "دال"
عبارة عن جارمن معرب شكلا ومضمونا من شركة دال او الدليل للنظم الجغرافية ما نيب متاكد...
ونزلت امس دعاية له في جريدة الرياض..

نعيش ونشوف
مدهش يا المدهش
المدهش
14/08/2003, 01:43 AM
شكرا اخوي القناص على تشريفك وردك
الباهي
15/08/2003, 06:07 PM
هل تنصحونني بهذا الجهاز بدل الجارمن العادي(المعروف*)

او انه يختلف عن الجارمن والماجلان

ارجو التوضيح
المطر
19/08/2003, 01:54 PM
أخوي المدهش
السلام عليك
الجهاز الي تقول شفته بالجريده وأنا على وشك أشري جارمن 176 فقلت أروح أتأكد منه
وفعلا رحت , ممتاز من ناحية إحتوائه على الخرائط التفصيليه من الهيئة الجيولوجيه السعوديه
ومن ناحيت الشاشة ونت مثل ما ذكرت أنك شفته ولكن يعيبه أنه لازم يشتغل على السيارة
فقط يعني لو لا سمح الله تعطل الموتر بكشته بعيده شوي تعطل الجهاز معه وايضا ما يعطي زوم إن تفصيلي وعلى هذا تركته وشريت جارمن 176 وعسى الله لا يحرمني منه