’’’ماهو علاج ابا الوجيه,,,

[ee150]

السلام عليكم ورحمة الله وبركاته



مساكم الله بالخير



الكل يعرف عن مرض ابا الوجيه

يسمى علميا بتشنج العصب السابع


انا جاني هالمرض قبل اسبوع ولا زال فيني

رحت للطبيب الشعبي ابو ايمن اللي في الغبيره ولا فاد

ومرخت فقس على وجهي ولا فاد

فاللي عنده العلم يعطينيه الله يجزاكم بالجنه ولا يصيبكم مكروه




بإنتظاركم,,,,

[راعي المدّى]

أخي العزيز ee150
أرجو الله أن يمن عليك بالشفاء العاجل يوجد شخص يعالج هذا المرض وقد شفي على يديه حالات كثيرة بأذن الله..... هذا رقمه اتصل به ونسق معه على الرقم 0505419606 وأكثر من الدعاء له ولي ....
أخوك:
راعي المدّى

[ee150]

الله يجزاك بالجنه يا راعي المدَى

نسمع منكم ياجماعة الخير عن العلاج

[T U R K I 0 9 0]

معافي ان شالله جارنا جاة قبل فترة وكوا عندي شايب في الرياض وتعافى بس يبقى له اثر بسيط اسمه الصمعاني اسالة عنه
في الرياض مشهور
واناباحاول اجيبه لك

[مضارب100]

الله يكتب لك الشفاء

[راع الصقلاويه]

السلام عليكم :

معافى وماتشوف شر بإذن الله تعالى .

عندنا شخصين في حائل واحد منهم مايكوي وعلاجه 100% بإذن الله تعالى

لكن أهم شيء عنده إنك تكون ماكويت وجهك .

وفيه واحد ثاني يكوي وشرطه مثل الأول .

لعلي أدور لك أرقام تلفوناتهم أو مساكنهم وأرد لك .

أهم شيء لاتكوي , واصبر يوم مايضرك إن شاء الله .

عسى الله يشفيك ويعافيك .

[ابوطاقية]

تعتمد على العمر
واحد عمره 10 سنوات جاله ابو الوجيه ومع العلاج الطبيعي اختفي اختفاء كلي واعرف واحد كذلك عمره تقريبا 40 جاله ابو الوجيه ومع العلاج الطبيعي اختفي وباقي له اثار بسيطه وهي رمش العين ماترمش مع الثانيه
على العموم الله يشفيك وحاول تاخذ جلسات تدليك لعضلة الوجه

[ee150]

ماقصرتو اجعلكم في الجنه

لكن الكوي مافيه امل اكوي

واللي يخبر علاج اسويه في البيت لا يبخل بكتابته

[dss1425]

ياخوي الله يشافيك ويعافيك .... اذا ماتبي تكتوي عليه بالذهاب لاخصائى اعصاب باحد المستشفيات وهم يعملون لك اللازم من تدليك كهربائي ونحوه بس المهم انك لا تعرض وجهك لموجات هواء باردة لان ذلك يزيد في المرض لان السبب والله اعلم في هذا المرض هو التعرض للفح الهواء البارد او الخروج من منطقة حارة لمنطقة باردة

[جرة عقرب]

هلا اخوي كيف حالك ان شاء بخير

انا جاني المرض هذا ولله الحمد والمنة تشافيت - شف وانا اخوك انا رحت للصمعاني وقالي ماعندي الا الكوي فقط لاغير - ورحت للمستشفى الحرس وسولي تدليك في الوجه وبقولك وش قالو لي :

لازم تتبع الخطوات :
1اكل العلك (طبعا اللبان او الصعرور)
2 تمرين عضلات الوجه مثل (تفخ الخدود والتمضمض- والضحك الخ
3 تأخذ ثلجه وتمررها على منطقه المرتخيه لكي تحسس الاعصاب
واخيرا : احب ان اقول لك القلق النفسي عامل كبير في تاخير التشافي يعني لاتشيل م وتوسوس الله اله بقراءة القران والادعية في الصلاة


والله يشفيك في اسرع وقت - تقبل مروري اخوك (جرة عقرب)

[ديزل1]

لا اله الا انت سبحانك اني كنت من الظالمين

الله يشفيك ويعافيك اولاً
وبالنسبة للمرض فية علاج بالصدمات الكهربائية في المستشفيات موجود اسأل عنه
والله يوفقكم جميعاُ .

[حسن بن مسفر]

الله يشفيك ياأخوي
والله انا جتني نفس الحاله ويعلم الله كم كانت معاناتي
ولكن من لطف الله انني اكتشفتها في أول أوقاتها وبحكم انني ولله الحمد أعمل في مستشفى أستطعت وبفضل ربي ان أتعدى المرحلة الصعبه منه وهي الثمان واربعون الساعه الأولى من أصابتك به
وبعدها اخذت علاج مكثف حبوب الكورتوزن وعلاج طبيعي تدليك وكمادات والحمدلله
بالأضافه الى العلاج بالأبر الصينيه وكانت والحمدلله فعاله أسبوعين وشفيت الله لا يكتب على احد ها المرض والأصابه التي فيها معاناة حقيقيه
الجانب المهم في العلاج الأبتعاد عن الضغوط النفسيه والمشاكل العائليه وارهاصات الحياة لأن الوجه مليء بالأعصاب
المتأثره بالحالات المباشره العصبيه والتأثيرات النفسيه
والواقي الله
لمزيد من المعلومات أرجوا الأتصال علي
0504960410

[ee150]

الله لا يهينكم

انا رحت لعلاج طبيعي

الله ينفع به

[مطلاع]

ادعو لك الله ان يشفيك الشفا العاجل باذن الله
وعند الدكتور[ رياض ]علاج لهذا المرض
وهو موجود في المنطقه الشرقيه [ابقيق ]
واذا رغبت رقم التلفون اووصف الموقع
ارسلي على الخاص وبشر بعزك
وماتشوف شر

[حمودالسليمان]

العلاج الأكيد والشافي بإذن الله 100 ./.
حائل المنتزه الشمالي جوال 0505163609