السلام عليكم ورحمة الله وبركاته
أحبابي الكرام
أولا – اشكر أخي ذيب الجبال على تجديد هذه النوعية من المشاركات والتي
ظهر لدينا بها شعراء نطالبهم بالمزيد من المشاركات المكشاتية
ثانيا –أتمنى من الأخوان الشعار ان تتسع صدورهم لمحاولات إخوانهم
- وأرجوا من الجميع المشاركة وتفعيل الموضوع –
وهذه باكورة المشاركات كلها مع تعديل بعض مشاركات الأخوان
سلام مني للمكاشيت (تأليف) =أهل العلوم الطيبه ويـّـا الأطباع
وأهل الفعول الصدق ماهي تناتيف= اللي تخاوو بالمكاشيت جمّاع
ويامرحباً بمصفف النظم تصفيف= تصفيف ريش الطير إليا زمّ شلاّع
بالي نوو نظم ن على غير تكليف= يرجون فيه الطيب وامتاع الاسماع
من قال بيته شرف القاف تشريف =شارك بمجهود الشعر وابدع ابداع
شيب وشبابن للمراجل ملاهيف = ما عندهم فى روحة البر مــنـّاع
ووجدي بمكشات ن على الصلب و طريف = أجدع به هموم ن بها القلب ملتاع
لا صرت لك في روضة ن حدها السيف=تلها بهاعن مجمع ن شين الأوضاع
وياحادي المقناص لا تقرب الريف =القنص له في داخل القلب مرباع
مع شبة تغنيك عن شبت حنيف=والدلة المركاة والبن ذعذاع
يلقا بها راع المعاميل والكيف= شفه ولا هو من عنا الوقت جزاع
روّح بنفس ٍ ما دخل جوفها زيف =من طيبها تاسع هـْــل القفر والقاع
وإرتك على اللي ماتجيه الصواديف =هرماس دوّن ماذكر بالخلا ظاع
تحيتي ولي عودات