جميع مشاكل الباثفندر والحلول هنا

[باثفيندر2002م]

بصراحه استفد كثير من منتداكم الله يعطيكم العافية

والان لدي مشكله مواجهتني وهي

عندي باثفيندر 2002 طلعتلي مشكله جديده وهي تفتفه او تقطيع لما اشغل السيارة الصباح وامشي عليها بعد ماتحمى وهي تفتف لكن اذا طفيت السياره بعدين شغلتها تختفي التفتفه واحيانا وانا ماشي تقطع مره او مرتين رحت للميكانيكي شيك البواجي واسلاك البواجي كل شي طلع سليم ونظف الثروتل بودي كان مليان تراب
وبعد ماراحت المشكله قلت بفحص كمبيوتر لكن راعي الكمبيوتر قالي ماراح تستفيد شي ماراح يبين السبب بالفحص
مع العلم بأن المشكله ماظهرت الا بعز البرد وانا راجع من الرياض بالليل وكانت درجة الحراره 3درجه مئويه

يمكن مر على احد نفس المشكلة
افيدوني الله يعافيكم

[المنيعي1]

تأكد من بلف الحرارة اذا مفكوك يحصل تقطيع بالسيارة من البرد

[باثفيندر2002م]

السلام عليكم ورحمة الله وبركاته

انا عندي

باثفيندر 2002 م فيه تفتفه لما اشغل السيارة الصباح وامشي عليها بعد ماتحمى وهي تفتف لكن اذا طفيت السياره بعدين شغلتها تختفي التفتفه وأحياناً وانا ماشي تتفتف مره او مرتين رحت للميكانيكي شيك البواجي واسلاك البواجي كل شي طلع سليم ونظف الثروتل بودي كان مليان تراب
وبعد ماراحت المشكله قلت بفحص كمبيوتر لكن راعي الكمبيوتر قالي ماراح تستفيد شي ماراح يبين السبب بالفحص
مع العلم بأن المشكله ماظهرت الا بعز البرد وانا راجع من الرياض بالليل وكانت درجة الحراره 3درجه مئويه

افيدونا الله يعافيكم

[ابوتركية]

السلام عليكم ورحمة الله وبركاته
مطلوب مساعدات امامية شد بلد باثفيندر 2005
اذا فيه احد ركب لسيارته مساعدات استراليه او مايبغى مساعدات البلد ....

[bukaled]

هل فيه بديل لمساعدات الزجاج الخلفي للباثفيندر
رافعة الزجاج

[بدورري800]

سلام عليكم جميعا انا قدر الله علي وشريت باثنفدر 2005 من مالكه الاول من الوكاله واخذت منه وصار فيه نقص وضبت راس المكينه لانه كان يخلط الماء مع الزيت وبعد التوضيب صار يطلع منه دخان ابيض مويت اكثر من ورشه يقول شنبره او جلب ولازم يجلس يومين عندنا وبعدها طلعبه صوت قوي يرج الموتر يبداء من 40 كلم الى 200 كان الموتر ما رصصت كفراته والكفرات جديده والترصيص 100٪ مضبوط فا ياليت الي عنده خبره يفيدني لاني ما ادري اوديه للورشه او لا انا من بريده اول مره اشري موتر غير تويوتا كانت معي هايلكس وبعتها وشريت باثفندر ابي الفزعه الله يجزاكم خير وبيض الله وجيهكم ياهل الخير

[أبونجم]

هل فيه بديل لمساعدات الزجاج الخلفي للباثفيندر
رافعة الزجاج

خذ مساعد كبوت لومينا 2003 أو 2004 تقريبا سعره تقريبا من 30 الى 50ريال تجاري وفك رؤوس المساعد القديم وركبها في الجديد .
مساعد واحد يكفي .

[أبونجم]

سلام عليكم جميعا انا قدر الله علي وشريت باثنفدر 2005 من مالكه الاول من الوكاله واخذت منه وصار فيه نقص وضبت راس المكينه لانه كان يخلط الماء مع الزيت وبعد التوضيب صار يطلع منه دخان ابيض مويت اكثر من ورشه يقول شنبره او جلب ولازم يجلس يومين عندنا وبعدها طلعبه صوت قوي يرج الموتر يبداء من 40 كلم الى 200 كان الموتر ما رصصت كفراته والكفرات جديده والترصيص 100٪ مضبوط فا ياليت الي عنده خبره يفيدني لاني ما ادري اوديه للورشه او لا انا من بريده اول مره اشري موتر غير تويوتا كانت معي هايلكس وبعتها وشريت باثفندر ابي الفزعه الله يجزاكم خير وبيض الله وجيهكم ياهل الخير

إن ماخاب ظني أنه عمود الدبل .
ياتغيره أو ترصصه أو ركب فرارات (( هوب لوك )) .

[بواسامة]

السلام عليكم ورحمة الله وبركاته

انا عضو جديد واشكر كاتب الموضوع وكل من يقدم المعلومة بارك الله فيكم

مشكلتي ::

اشتريت سيارة باثفيندر 2006 قبل اسبوع تقريبا
أولى المشاكل التي بدات معي وان شاء الله تكون الآخيرة
لما امشي بالسيارة يكون تبريد المكيف زين وتمام التمام ن لما اوقف على اشارة او أي مكان ترتفع الحرارة فوق النص ويروح التبريد ويطلع هواء ساخن .

أفيدوني جزاكم الله خيرا
انا في الامارات

[بواسامة]

وفيه سؤال ومستغربه
السيارة عندي لما أعبيها بنزين بعد ما يصفر العداد مباشرة توخذ 50 لتر بس ، فيه مشكلة والا طبيعي كذا ، واذا طبيعي معقولة سيارة فورويل 6 سلندر
خزانها 50 لتر بس ؟

جزاكم الله خيرا والسموحة منكم

[alferya2011]

السلام عليكم و رحمة الله وبركاته


ابي منكم يا اخون الفزعه و المشوره



عندي باثفندر 2005 فيه رجه من 70 و فوق و كل مازادت السرعه تخف بس تكون قويه على 70 و 80 ركبت فرار مانفع و غيرت صليبات العمود الخلفي و رصصته مانفع


و غيرت الكفرات و رصصت الجنوط و مانفع


و لا ادري وين المشكله و لا حصلت حل



افيدوني من واقع تجربتكم

[alferya2011]

يا اخوان الرجه في البودي و الديكور ماهي في الدركسون

[عبدالرحمن السالم]

السلام عليكم و رحمة الله وبركاته


ابي منكم يا اخون الفزعه و المشوره



عندي باثفندر 2005 فيه رجه من 70 و فوق و كل مازادت السرعه تخف بس تكون قويه على 70 و 80 ركبت فرار مانفع و غيرت صليبات العمود الخلفي و رصصته مانفع


و غيرت الكفرات و رصصت الجنوط و مانفع


و لا ادري وين المشكله و لا حصلت حل



افيدوني من واقع تجربتكم

تأكد من العمود الخلفي لايكون جايه ضربه او طعج تراه يسبب الرجه
والله يسهل آمرك

[alferya2011]

الاخ عبدالرحمن السالم انا تاكدت من عمود الخلفي و غيرت صليبات و رصصته في مخرطة

و مازالت المشكلة موجودة

[فياض الربيع]

موضوع مفيد يعطيكم العافيه