جميع مشاكل الباثفندر والحلول هنا

[ALJARPOA]

احتمال يخوك يكون يبي له وزن ديلكو

اخوي السياره مكينتها 3.5 يعني نفس موديلات 2003 امريكي

[رامي العماري]

سلام عليكم انا عندي بافندر 2001 رائحة بنزين مزعجتني غيرت طربت البنزين ولا في فايده ساعدوني الله يزاكم خير

[ALJARPOA]

سلام عليكم انا عندي بافندر 2001 رائحة بنزين مزعجتني غيرت طربت البنزين ولا في فايده ساعدوني الله يزاكم خير

اخوي شيك على غطى التانكي وشيك على اهواز البنزين الي من فوق التانكي
وذيلي يكنون تحت الكرسي الخلفي للركاب
وموفق انشاءلله

[salharbi5]

السلام عليكم
س : فرارات الباثفايندر لو كانت مشبوكه كم السرعه الي تتحملها ؟

[escape_man]

السلام عليكم
س : فرارات الباثفايندر لو كانت مشبوكه كم السرعه الي تتحملها ؟

ماتفرق .. لو تمشي طبلونه

الا ان كان قصدك انه مشبوكة والدبل شغال فهذا شي ثاني ..

[ALJARPOA]

يااخوان ابي ورشه بالكويت مختصه بالباثفندر

انتظر ردكم

[escape_man]

يااخوان ابي ورشه بالكويت مختصه بالباثفندر

انتظر ردكم

عندي ورشة بصناعية الجهراء متخصص شغل نياسين .. الربع بالديرة يضربون له مشوار يشتغلون مواترهم

عنده. تبيه ارسلت لك رقمه.

[ALJARPOA]

اي والله تكفى يالذيب

ارسل رقمه

[alimuhammed]

السلام عليكم ورحمة الله وبراكاتة ياخواني انا شرية جيب باثفندر 2003 وخرب القير السيارة مترجع وراى وابغا مشورتكم هل اوضب القير او اشتري من التشليح واين تنصحوني اوضبة

نفس مشكلتك و وضبته ب 2500 مع ضمان شهر
و الآن و لله الحمد له 4 شهور ماشي و لله الحمد

[tihami2003]

أبو حماد
لا أعلم إن كان سؤالك قديم أم لا عموما
بالنسبة للطقطقة اللي تحت رجل السواق مع المطبات هي من الدبة حقت الشكمان كانت عندي نفس المشكلة وسخنت الماسورة عند راعي شكمالات وأبعدت الدبة عن القاعدة الي تحته علشان ما يرجع يطقطق مع المطبات
أما بالنسبة للرجه في السيارة أثناء السرعة ركبت فرارات لإيقاف تشغيل عمود الدوران حق الدبل وبالفعل إنتهت الرجه
وجربت أشغل الفرارات بدون ما أعشق الدبل وأسرعت لاحظت رجوع الرجه مره ثانية وهذي المشكلة صادرة من عمود الدبل ونادراً ما تجد أحد يرصصه مضبوط حتى أنه لا يوجد صليب أصلي لإستبداله وإنما يتم إستبداله بعمود جديد فالأفضل الفرارات
وتكلفتها مع التركيب 550 ريال بالغرابي (ريحت راسي من رجت الموتر ووفرت صرفية بنزين)
ممشى موتري حتى الآن 430.000 كم وما شاء الله سيارة سفر بمعنى الكلمة لا صرفية زيت ولا نقص مويه ولا أية مشاكل من فضل الله علماً بأن بلف الحراره راكب وحرارته أقل من الربع
ونصيحتي بإقتناء الباثفندر إلى موديل 2002 اللي مكينتها 3300 ومكتوب على باب الشنطة الخلفية SE فقط بدون أرقام تتحمل الكد
وإسأل مجرب
أتمنى أن أكون قد أفدتك

[tihami2003]

نظف البخاخ وغير فلتر الهواء والبواجي تروح رائحة البنزين اللي تصدر من البخاخ
أنا نظفته ببخاخ إس ديلكو عند البيت طلع منه بلاوي متنتنه 3 علب ماكفت بس إنتبه بعد التنظيف ما تقبل السيارة تشتغل تقول المكينه مصلبة دفيت السيارة ورى وقدام حتى تحركت المروحة وبعد إشتغل وغيرت زيت المكينة مرتين مع السيفون حتى نظفت المكينة

[الذيب ناصر]

السلام عليكم ورحمة الله وبركاته
اخواني عندي جيب باثفندر 2003 له معي سنتين مشا الله لانقص زيت ولاحراره ولااي مشاكل القير تماتيك مجهز تجهيز كامل للبر للتواصل0554800507

[الذيب ناصر]

السلام عليكم ورحمة الله وبركاته
اخواني اقدم لكم سيارتي باثفندر
مديل 2003
قير تماتيك
الموتر مشا الله اشرط لك شرط لاحراره ولانقص زيت
حالة البدي وكاله لارش ولاسمكره
مجهز تجهيز كامل للبر
وعليها جنوط هلل وكفرات جديده مالها شهرين مركبها
للتواصل/ 0554800507

[باثفيندر2002م]

السلام عليكم ورحمة الله وبركاته

بصراحه استفد كثير من منتداكم كزائر

والان لدي مشكله مواجهتني وهي

عندي باثفيندر 2002 طلعتلي مشكله جديده وهي تفتفه لما اشغل السيارة الصباح وامشي عليها بعد ماتحمى وهي تفتف لكن اذا طفيت السياره بعدين شغلتها تختفي التفتفه رحت للميكانيكي شيك البواجي واسلاك البواجي كل شي طلع سليم ونظف الثروتل بودي كان مليان تراب
وبعد ماراحت المشكله قلت بفحص كمبيوتر لكن راعي الكمبيوتر قالي ماراح تستفيد شي ماراح يبين السبب بالفحص
مع العلم بأن المشكله ماظهرت الا بعز البرد وانا راجع من الرياض بالليل وكانت درجة الحراره 3درجه مئويه

يمكن مر على احد نفس المشكلة
افيدوني الله يعافيكم

[باثفيندر2002م]

السلام عليكم ورحمة الله وبركاته

يا أخوان بصراحه استفد كثير من منتداكم

والان لدي مشكله مواجهتني وهي

لدي باثفيندر 2002 طلعتلي مشكله جديده وهي تفتفه لما اشغل السيارة الصباح وامشي عليها بعد ماتحمى وهي تفتف لكن اذا طفيت السياره بعدين شغلتها تختفي التفتفه رحت للميكانيكي شيك البواجي واسلاك البواجي كل شي طلع سليم ونظف الثروتل بودي كان مليان تراب
وبعد ماراحت المشكله قلت بفحص كمبيوتر لكن راعي الكمبيوتر قالي ماراح تستفيد شي ماراح يبين السبب بالفحص
مع العلم بأن المشكله ماظهرت الا بعز البرد وانا راجع من الرياض بالليل وكانت درجة الحراره 3درجه مئويه
يمكن مر على احد نفس المشكلة
افيدوني الله يعافيكم