جميع مشاكل الباثفندر والحلول هنا

[ابوغلا000]

السلام عليكم ورحمة الله وبركاته
تكفون ياشباب ابغا اشتري كفرات للباثفندر 2004 وابغاها تكون مريحه وهادية وتكون مقاس كبير
وبعدين ابغا ارفع الجيب ابغاه فوق في السما بس مدري وش اركب يايات او مساعدات او كعكات او بالون او كلها جميع مدري وش اسوي ووين اركبها في الرياض
ادري اني طولت عليكم بس طلب اخير كم يكلف التربيط ووين افضل محل في الرياض وشكرا
ارجو الرد تراها اول مره اشارك في هل امنتدي الرايق تحياتي

[المنبسط]

السلام عليكم
اسعد الله ايامكم
قدر الله علي وخربت جلد المقصات وصار فيه فضاوه في الكفر الامامي حقت الباث فندر ورحت اغيرها قالو المقص يجي كامل قلت الشكوى لله هات المقص كامل وغيرته وغيرت معه كراسي المساعدات وجلد التوازن وبعد خمسة شهور رجع الصوت(يطلع مع البطناج والمطبات الصغيرة على سرعة 30-50كم) ورجعت الفضاوة ,رحت اكشف قال الجلد حقت المقص تعبانه قلت وش السبب قال ما ادري قلت مالها الا القروم في مكشات, علما اني محافظ على السيارة(سواقة شايب)ولا جاه عفل في البر

[الاتصال السريع]

جزاك الله خير ومشكور

[التميمي3]

مساكم الله بالخير
انا عندي مشكله عند المطبات والنزلات صوت طقطقه قالو مساعدات وغيرتها ولم ينفع وقالو عامود التوازن ماذا تقولون تكفون ريحونا من منها اللي عنده حل يقولي
وجزاكم الله خير

[السلماني f16]

السلام عليكم ورحمة الله وبركاته شريت السنه الماضيه جيب باث فاندر موديل 2002وبعد ثلاث شهور الاحظ عليه بعظ المشاكل مع العلم اني مو راعي مشاوير لاحظت عليه بعض المشاكل
1 بعد ماشريته بثلاث شهور كانت قومته صعبه ياله يقوم وديته الورشه وقالو الكلتش خربان وصاج وصلحوه ورجع موتري الاول وبعده خذيت عليه خط اذا تعديت 80 يطلع صوت ونين يوجع الراس ماخليت ورشه ماجيته الي ييقول الشكمان داخله شبك وذا خرج الشبك يطلع الصوت والي يقول المكينه فيها خراب وشو الحل

[سلطان الهاوي]

السلام عليكم ورحمة الله وبركاته شريت السنه الماضيه جيب باث فاندر موديل 2002وبعد ثلاث شهور الاحظ عليه بعظ المشاكل مع العلم اني مو راعي مشاوير لاحظت عليه بعض المشاكل
1 بعد ماشريته بثلاث شهور كانت قومته صعبه ياله يقوم وديته الورشه وقالو الكلتش خربان وصاج وصلحوه ورجع موتري الاول وبعده خذيت عليه خط اذا تعديت 80 يطلع صوت ونين يوجع الراس ماخليت ورشه ماجيته الي ييقول الشكمان داخله شبك وذا خرج الشبك يطلع الصوت والي يقول المكينه فيها خراب وشو الحل

اذا تعديت 100 يروح الصوت هذا الكارونه ما يضر ابداً

[ابولمى 23]

سلام عليكم انا عندي مشكله في الباثفندر 2003
المكيف احيانا يبرد يازينه واحيانا مايبرد غير اقعد اطفي واشغل فيه حتى يبرد ورحت فيه لكذا واحد ولا واحد فيهم وافق الثاني وش الحل تكفووووووون تراني احترت فيه

[فارس ملهم]

سلام عليكم انا عندي مشكله في الباثفندر 2003
المكيف احيانا يبرد يازينه واحيانا مايبرد غير اقعد اطفي واشغل فيه حتى يبرد ورحت فيه لكذا واحد ولا واحد فيهم وافق الثاني وش الحل تكفووووووون تراني احترت فيه

نفس الحالة لدي
ان شاء الله بعد سوال اهل الخبرة والاستشارة يحتاج كمبروسر جديد

الاعراض عندك هل هي :
صوت غير معتاد تحت الدرج
اذا مسكت خط بررد واذا وقفت احتر

اذا كانت هذه الاعراض للاسف يحتاج كبروسر

[هاااوي ثادق]

نفس الحالة لدي

ان شاء الله بعد سوال اهل الخبرة والاستشارة يحتاج كمبروسر جديد

الاعراض عندك هل هي :
صوت غير معتاد تحت الدرج
اذا مسكت خط بررد واذا وقفت احتر

اذا كانت هذه الاعراض للاسف يحتاج كبروسر

اتصلو على الرجال وتاكدو
0564779879 ابو نايف

[ابولمى 23]

اخ باثفندر سلام عليكم ورحمة الله
انا عندي باثفندر 2003 فيه مشكلة في التبريد المكيف مرات يبرد ومرات ما يبرد غير اشغل واطفي فيه الين يبرد ورحت لكذا واحد وما لقيت عنده علم ثابت مدري عندك علم وش السالفه عطوني حل ؟؟؟؟؟؟

[الذيب 502]

اخ باثفندر سلام عليكم ورحمة الله
انا عندي باثفندر 2003 فيه مشكلة في التبريد المكيف مرات يبرد ومرات ما يبرد غير اشغل واطفي فيه الين يبرد ورحت لكذا واحد وما لقيت عنده علم ثابت مدري عندك علم وش السالفه عطوني حل ؟؟؟؟؟؟

لا كمبرسر ولا شئ

وقد صارت لي المشكلة وانا مسافر في كنة الصيف

وخلها على ربك يا رجال

اظن اللي في موتك يا بلف المكيف

أو علبة الفريون

صدقني وحده من هالثنتين دام الكبرسر يشتغل ولا فيه شئ

[tihami2003]

أبو حماد
لا أعلم إن كان سؤالك قديم أم لا عموما
بالنسبة للطقطقة اللي تحت رجل السواق مع المطبات هي من الدبة حقت الشكمان كانت عندي نفس المشكلة وسخنت الماسورة عند راعي شكمالات وأبعدت الدبة عن القاعدة الي تحته علشان ما يرجع يطقطق مع المطبات
أما بالنسبة للرجه في السيارة أثناء السرعة ركبت فرارات لإيقاف تشغيل عمود الدوران حق الدبل وبالفعل إنتهت الرجه
وجربت أشغل الفرارات بدون ما أعشق الدبل وأسرعت لاحظت رجوع الرجه مره ثانية وهذي المشكلة صادرة من عمود الدبل ونادراً ما تجد أحد يرصصه مضبوط حتى أنه لا يوجد صليب أصلي لإستبداله وإنما يتم إستبداله بعمود جديد فالأفضل الفرارات
وتكلفتها مع التركيب 550 ريال بالغرابي (ريحت راسي من رجت الموتر ووفرت صرفية بنزين)
ممشى موتري حتى الآن 430.000 كم وما شاء الله سيارة سفر بمعنى الكلمة لا صرفية زيت ولا نقص مويه ولا أية مشاكل من فضل الله علماً بأن بلف الحراره راكب وحرارته أقل من الربع
ونصيحتي بإقتناء الباثفندر إلى موديل 2002 اللي مكينتها 3300 ومكتوب على باب الشنطة الخلفية SE فقط بدون أرقام تتحمل الكد
وإسأل مجرب
أتمنى أن أكون قد أفدتك

[شخاط]

السلام عليكم يا شباب

الصراحه موضوع مهم جدا خاصه لاهل الباث

والله يعطي صاحب الموضوع العافيه والمشاركين

انا مشكلتي ان الموتر عندي فيه رجه اذا وصل الميه وصوت الموتر يتغير

قالي مكانيكي رصص العمود او غيره

طمرت للتشليح واطق عمود 2004 بخمسميه ريال

وامس الموتر وانصعقت انه ماتغير شي وارصص الكفرات ونفس الشي

الحقيقه ضاق صدري وشار علي لحيه غانمه شرواكم اني افصل عمود الدبل واجرب

علما ان الموتر موديله 2001وقيره تماتيك وجنوطه حقت 2004ولا نستغني عن شوركم يالربع

وان جد جديد معي ابا اعلمكم ,,,,,, والسلام
اخوكم شخاط

[العـابر]

السلام عليكم
اشكرللاخ اللي طرح الموضوع والاخوان المشاركين هذا الجهد الذي ييسر على الكل عناء البحث لاصلاح المشاكل التي تواجهه او الخسائر المادية بلا فائدة
وهنا اذكر لكم مشكلتي التي وجدت لها حل بعد عناء لعل احد يستفيد منها
وهي اني احسست بوجود رجة في السيارة بعد 80 كلم واكتشفت انه بسبب عامود الدبل حيث انه لابد من تشحيمة كل فترة وكنت اجهل ذلك حتى انتهى الشحم اللي فية وانعدمت المسننات واضطريت لتغيير العامود كاملا وبعدها زالت الرجة فنصيحتي للخوان هي الحرص على تشحيم العامود كل فترة وهو مجهز بمسمار تشحيم
وتقبلوا تحياتي ودعواتي لكم بالصحة والسلامة

[ابوحماد]

طيب الجيب للي معي آنفنتي 2003م أخو الباثفندر وفيه هذي الرجه عند 100 وعند 150كيلو

وهذي السيارة مافيها مشاحم أبد

بس سويت ترصيص على جهاز الكبيوتر عند ميزان المجد والحمد الله الرجه خفت 80 %