،،،،،،،،،،،،
ياهي جميدة
ياهي جميدة وينك يالقاز ؟اي دفاية كهرب اي خرابيط
احيانن ودي اضربن لين اقول آمين تسيف تسذاتا !!!!!
ابشخص واكلته
يوم نقلت لبيتي الجديد تبعطزت على دفايات القاز واطلعتهن وشريت كهرب
مير افاااااا ومليون افاااااااا مير
ذي والعه او لمبه وبس وين اللي مدري شسمه وين
يامن شراله من حلاله علاله واي علاله
المهم قلت مالتس ياقوافي إلا حطيبات واقمز واملا وجاري واشب ضويتي اييييه
اذكر دفاية القاز على حياة امي الله يرحمه بالشتا تصير صخانه وخبازه وطباخه وسهاريه
وتشقر الكنابل وتجخر الشرابات همن عاد يجيك خلط روايح
كنا نقول دفينا ونمنا وهي ماتدري من القاز ولا من ريح الحراق ولا من عيونك اللي تناضر جمرة الدفايه كنك ابوقباس الين تنام
لله درك يالقاز جا وقتك
اذكر نوبه من اللقافه ابدفي وجهي قبعت شوشتي !
وبما ان امي قبل تهوشن ابعدي شوشتس ياقوافي مابغيت عاد افاجئه ولفيت غدفت حصة القرآن بالمدرسه اللي اغطي به راسي وقت التسميع يعنني بردانه وانا مدري الى متى ابلفه بتعرف والله يعين على صبخة الحنا لازم تسمد الزريعات العيد قريب
الله يرحم اميمتي ويحرم ادياته عن النار
.. قوافي ..
