مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
== تركيب فاصل للدبل ==
موقع فرار الدبل بجانب الجلنط, وعرضه ان الاطفال يلعبون بالدبل مره خفيف ومره ثقيل وانت ماشي. بالتأكيد انه له تاثير على دينمو الدبل وصرت أفصل فيوز الدبل علشان نتفادى خراب الدبل.
بالتأكيد ان تركيب فاصل (زر او مفتاح) يكون اسهل وافضل من الفيوز, لكن احاول اتفادى قص الاسلاك وجرحها علشان الضمان وجت فكره ان استخدم اثنين من هذه الوصلات
تم تركيب الوصلات مع بعض
وصلتها بالمفتاح عند دعسة الكلتش علشان تكون بعيده عن الاطفال وبامكاني تشغيل المفتاح واطفاءه باستخدام اصابع الرجل اجلكم الله
اتمنى ان الفكره واضحه, ومرحبا بأية استفسارات.
أتوقع ان القطع غير موجوده ولا قد شفتها بالمحلات.
الرسمه فوق تبين فكرة التوصيل, القطعة اللي على اليسار تركب مكان فيوز الدبل ويمر الكهرب عن طريق رقم 1 على الفاصل ومن ثم للقطعة الثانية ويخرج من رقم 2 الى رقم 3.
رقم 3 يرجع الكهرب لعلبة الفيوزات. القطعة الثانية تركب في الفيوز الاول الموجود في القطعة الاولى.
إذا الفكرة ما وضحت, مستعد اوضحها بشكل اكثر
ما شاء الله على الشغل الطيب هذا شغلك ولا مشتغله في محل يا ليت تفيدنا
AL3ABER
=== تركيب لي مرتفع لتهوية الدفرنس الخلفي ===الدفرنسات والقير والدبل لها بلف ( لي ) تهوية علشان إذا زاد الضغط أو احتر الزيت داخلها ما تخرب الصوف. الدفرنس الأمامي لي التهوية مرتفع بجانب قربة الهواء في الكبوت, والدبل والقير العادي لها فتحة تهوية أسفل عصا القير.
تهوية الدفرنس الخلفي ( بلف ) راكب أعلى الدفرنس ويعتبر نازل جدا وفرصة دخول الماء له كبيرة مع السيول والغدران. صاحبي الميكانيكي الله يجزاه خير جاب من التشليح لي تهوية ( اتوقع حق دبل اف جي اذا ما كنت غلطان ) وركبه على الدفرنس الخلفي ورفع لي التهوية مع ليات الفرامل فوق.
ماشاءالله شغلك مرتب ودقيق الله يوفقنا وياك
جزاك الله خير
سلام عليكم
الله يجزاك خير عالشرح
سؤالي كيف وصلت السلك السالب باللمبه حقت الكبوت
وياليت توضح لنا ليش استخدمت سلك 10 ملم وهل له مواصفات خاصه من السمك والطول والا ما يأثر
وسؤال اخر اللمبه كيف اثبتها بدون مسامير
وشغلك هذا يدوم سنين بإذن الله توصيل مثالي جدا
وعليكم السلام ورحمة الله
المسامير توصل السالب للمبه من حديد السيارة والأفضل تثبها بالمسامير علشان الحديد يمتص حرارة اللمبه. تقدر تثبتها باستخدام اللزق ابو وجهين.
طول السلك متر ونص تقريبا, و 10 ملم يكون كافي وزياده للاضافات ( ماطور, وايكوم, وغيرها ). الصوره التاليه توضح كيفيه اختيار حجم السلك بالنسبه للتحمل وطول السلك.
اهم شي يكون السلك لكهرباء السيارات DC وليس لكهرباء البيوت AC
اتمنى اني افدتك, وحاضرين لاي سؤال.
الله يجزاك خير كفيت ووفيت ووصلت المعلومه
انا تحمست وزينت اللمبات والكنود ،والسالب حق المبات اللي مركبه على قاعده اريل الكنود ارضتها عن طريق سلك حق الاريل سلكته داخل السياره ثم طلعت سلك من مسمار في الديكور وشرطنتهم وصار هالكيبل يأرض للكنود واللمبات على قاعده الاريل وركبت لي ثنتين في الكبوت وبضبط بعد وحده خلفيه للشنطه والعزب
ومشكور عالشرح
السلام عليكم ورحمة الله
الله يبيض وجهك .. وم قصرت ، شرح كافي و وافي
انت شرحت وم قصرت
استفساري ، لو بغيت اركب لمبات بس بدون موزع أو أي شيء ثاني مع اللمبات
كيف راح يكون التوصيل من البطارية إلى اللمبات مع وجود فاصل ( سويتش ) .. وإن امكن تفاصيل الأسلاك حجمها وقوتها
شكرا لك مقدما â¤
الذين يشاهدون الموضوع الآن: 1 (0 من الأعضاء و 1 زائر)