قير الشفر اذا دست يلقم نمرة ولا عاد يفصل وش المشكلة ؟

[إبن البلد]

عندي شفر سيلفرادو موديل 90 ونيت دبل z71 ، غيرت زيت القير والفلتر وصرت اذا دعست وانا امشي فوق ال 120 والا حولها يرجع نمرة ولا عاد يريح لين ارفع رجلي عن البنزين شي بسيط وبعدين يريح ؟ صراحة عجزت اعرف وش المشكلة عايرت الزيت سليم وكل شي سليم !!

[ريثان القصيم]

عندي شفر سيلفرادو موديل 90 ونيت دبل z71 ، غيرت زيت القير والفلتر وصرت اذا دعست وانا امشي فوق ال 120 والا حولها يرجع نمرة ولا عاد يريح لين ارفع رجلي عن البنزين شي بسيط وبعدين يريح ؟ صراحة عجزت اعرف وش المشكلة عايرت الزيت سليم وكل شي سليم !!
مشكلتك غيرت زيت القير عقب ما احترق الزيت الاول وخرب الكلتشات
جرب اذا ماء اديتر القير نظيف ركب مروحة تبريد بفاصل داخلي لاديتر القير وشغلها على طول ونتظر ردك
والله اعلم واحكم

اخوك
ريثان القصيم

[San Francisco]

كم رقم القير m30 فيه حساس مسؤل عن التعشيق ناسي وين مكانه كان معي واحد موديل ٩٤ جاني نفس ماجاك المره الثانية صارت بسبه صوفه طرمبه الزيت ما تمسك زيت طبعا غيرته ونضفت شجره القير أو مخ القير أو البلف بدي

[إبن البلد]

اخوي ريثان والله ان كلامك ١٠٠٪ صحيح ، المشكلة طلعت من بعد ما غيرت زيت وفلتر القير ، بس ما فهمت كيف طريقتك اللي بخصوص موية الرديتر واول مره ادري انك تركب مروحة تبريد خاصة للقير ، الشاهد كيف اسويها؟
اخوي سان فرانسيسكو مدري عن حجم القير بس الظاهر اللي يسمونها ام دي ٧٠٠ ، ياليت تقولي وين سويت الشغل تبع القير عند اي ورشة ؟ تحياتي لكم جميعاْ ...

[salih100]

القير M30 من 1994 او 1995 وطالع