السلام عليكم
اخوي لازم تراعي عدد الاحصنه للمكينه مع الجير
يعني مثلا تركب مكينه كورفت او كمارو او مكينه ستروكر قوتها 500 حصان
على جير التاهو عندك يمكن 4 غيار ما تضبط
اهو ماكو شي مايركب بالامريكي
لكن اذا تبي تركب مكينه معينه ماهي نفس مكينه موترك تحتاج بعض التعديلات مثل البخاخات والظفيره والكمبيوتر وغيره
اما مكينه الستروكر تركب بدون اي مشكله لكن راح يطلعلك الجير ويقولك يا اخي قدر ضروفي
انا 4 غيار ومركب علي مكينه تبي 6 غيار
عرفت ابوي
بس المكينه الستروكر غاليه شوي , يعني عندنا بالكويت اذا تبيها 500 - 550 حصان تقريبا تدفع
2300 دينار
في مكاين جاهزه على 470 حصان تحصلها تقريبا 1500 دينار
واذا طلعت فوق ال600 حصان تدفع 3000 دينار وفوق
يعني هالسوالف يبيلهم ميزانيه مفتوحه
لكن تركب مكينه كورفت تاخذها من السكراب او كمارو تقريبا 500 دينار وفوق
لكن يبيلك دفع فلوس على الجير والظفيره والكمبيوتر وغيره من الشغلات اللي ماتدري من وين تطلعلك