ابسألكم يالربع عن جنوط الهلل
يركبن على كل الكفرات وكيف استخدامهن
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ابسألكم يالربع عن جنوط الهلل
يركبن على كل الكفرات وكيف استخدامهن
اخوي كان عندي ٩٣gx مركب له جنوط ٩٧gx طبعا اللي عندك شنابر
السلام عليكم حيى الله أبو خلف
الهلل تركب و كثير من الشباب يركبونها أنا ما جربتها و لكن يقولون انها خفيفة
الله يبقيك
التغيير زين
ياليت نفتح نقاش عن تجهيزات الموتر للبر
من مساعدات ويايات وتجهيزات داخليه
فيه احد يخبر وين تباع عفريته hi lift الامريكية
الموتر منقلب وجاري تصليحه وتغييره الى جكس
تجهيزات يايات استرالية من ورا 7 وقدام 5 ومساعدات استرالية من الرماية وتانكي ماء محل الاستبنه الي تحت وطبعا دعامه وتجهيزات داخليه افياش 220 وولاعة للثلاجه ولمبات الكبوت 2 بيضا ولمبات خلفيه في باب الشنطه الخلفيه 2 بيضاء ولمبه تحت عند تانكي الماء طبعا كلها بفيوزاته واسلاكه وظفيره كامله ومقوي نور عند محل شاهين وبطاريه اضافيه وماطور هواء يثبت داخل الكبوت
اما ورش التجهيزات ااداخليه من بطارية اضافيه افياش الخ عندك السوافي والصبي لكن نار وفيه استراحة المنديل يضبط هشغلات باشرافه وسعره ممتاز جدا جدا وفيه ورشات ثانيه لكن لاتحضرني الان اساميهم
بالنسبة للنسافات لازم تغيرها وتسكر الفتحات اللي تجي بالرفرف عند سمكري أما الصاجات ( الوطايات ) فيها قطعه ألومنيوم زيادة من جهة البدي شلها وبس تصير نحيفه مثل الجي أكس
ولا تنسى الأزياق اللي على البدي ترا حقت الجي أكس أطول
واللون اللي بين الدرايش لازم يكون من لون المؤتر لان الفكسار والجكسار اسود اللي بين الدرايش
وباقي كثير بس الله يعينك
تحياتي
السلام عليكم ورحمة الله وبركاته ..
يعطيك العافية أخوي العنابي على إنشاء الرابطة ومبروك على الجميع التثبيت
أنا موتري VX-R 1995 فل ، عسى الله يطرح فيه البركة وفي مواتر الجميع ..
بالنسبة لأخوي روق الشرقية ، أنا بذكر لك تجربتي ..
عندي التانكي ما كان يحول أو يشبك ثواني ويفصل ،، وحتى قالي كهربائي غير طرمبة بنزين جديدة ( بغيت أشتريها بأكثر من 600 )
لكن رحت لواحد ثاني وفحص الطرمبة وحصلها سليمة لما شيكها بكهرب خارجي مباشر ، لكن المشكلة أنه ما عرف وش سبب المشكلة وعدم التحويل ، فخليته يشبكها لي دايركت بـ فاصل خارجي ( سويتش في الطبلون ) أشبكه متى ما احتجته ..
بالمناسبة في كتاوت يجي على الرفرف الأمامي الأيسر قدام السواق وهو لـ طرمبة البنزين تحصل لونه أسود وهو أقرب لجهة السواق من علبة الفيوزات ،، فما أدري إذا هذا الي تقصده ولا لا ؟؟ لأن عندي صارت فيه مشكلة وطفت السبيارة ولا اشتغلت ..
المهم بالنسبة لمشكلة التانكي الإضافي ،، قبل يومين كنت في ورشة صبيا في الخضرية وسألت الكهربائي الي عندهم اسماعيل عن هذي المشكلة ، فقال أن السبب قد يكون من حساس في التانكي الأساسي ( وظيفته أنه يعطي إشارة أن البنزين ناقص في التانكي الأساسي حتى يسمح بتحويل البنزين من التانكي الإضافي ) وهذا الحساس يكون خلف الطرمبة لما تطلعها ، ولا تقدر تشوفه ولازم تنزل التناكي حتى تشيكه ..
آسف عالإطالة لكن حبيت أشارككم بمعلومتي لعل يكون فيها فايدة لأحد
ابو عبد العزيز
الله يبارك في موترك ويعطيك من خيره ويكفيك شره
بالنسبه للمشكله اللي عندي مثل اللي عندك بالظبط
وكلام الكهربائ صحيح ولاكن فك التانكي صعب وابي اخليه اخر شئ
والكتاوت حق التانكي الاحتياط حصلته في الرفرف الخلفي عند الجيك في مديل 94 قير اوتوماتيك
وسيارتي97 قير عادي الى الأن ماحصلته
وننتضر اللي مرت عليهم المشكله..
علما ان المنتدى فيه مهندسين كبار مثل (اصيل حجازي)و(كبسوله)و(ابوراكان تبوك)وغيرهم ولاكن الأن وقت إختبارات والناس مشغولين....
علا كلآ بيض الله وجهك ومن يقراء ع هذه المعلومه القيمه والتي تدل ع طيبتك وحب الخيرلأخوانك
واشكرك كل الشكر ..والشكر موصول لصاحب الموضوع
وتقبل تحيات اخوك ابونايف
السلام عليكم .. انا عندي جيب هدد 96 وخطه قديم و متقشر
وبغيره واحط خط جديد هل يضر او ينقلب لونه ؟ افيدوني لاهنتم
تنصحوني اركب يايات استرالية ولا اخليها على شد بلدها
الذين يشاهدون الموضوع الآن: 1 (0 من الأعضاء و 1 زائر)