المشاركة الأصلية كتبت بواسطة MSAN
معي رانجلر 97 قير عايدي.. يطرررررررب.. سيارة رائعة وممتعة جدا في البر.. والسبب تعليقه الجبّاااااااار
ماعمره وقف بي أو غرز أو نشب أو تعلق ماشاء الله تبارك الله..
ميزته ان المسافة بين كفراته متقاربه وتعليقه يايااااااااات وليس سست..
اذا نويت تشتريه أهم شي:
1- انتبه لمكينته لا تكون تنقص زيت أو تبخر زيت أو فيها طقطقة.. لأن مكينة الشروكي حتى لو البستم مكسور أو السبيكة لفّت تلاقيها تشتغل عادي.. ومو أي واحد يلاحظ هالمشكلة.. الأمريكان يسمون هالمكينة Hummer Head رأس الشاكوش من قوة تحملها..!!
2- الدفرنس الخلفي لايكون فيه طقطقة كلتشات.. وطقطقة الكلتشات ماتبان الا اذا أحتر ومشيت عليه تقريبا نص ساعة وأكثر
3- الدفرنس لايكون فيه ونّة أو حنّة
4- تأكد ان مقاس الكرونة الخلفية مطابق لمقاس الكرونة الأمامية وذلك بتشغيل الدبل الثقيل والخفيف على الزفلت والمشي عليه شوي.. على طول بيبان اذا كان يعض والا لا.. يعني سرعة دوران الكفر الخلفي نفس سرعة دوران الكفر الأمامي والدبل شغال
5- انتبه للحرارة والمكيف شغال في عز الظهر والسيارة واقفة... طبيعي جدا تكون حرارته على النص أو حتى فوق النص بشوي.. لكن انتبه لا تتجاوز الثلاث أرباع
6- صوفة المكينة الخلفية الي بين المكينة والقير غالبا يكون فيها تبخير زيت خفيف أو تندية زيت خفيييف بدون ما يقطر على الأرض.. طبيعي جدا
طبيعي راح يكون فيه تنسيم هواء قوي من يوم توصل السرعة 60 والسبب لأن السقف فيبر
واذا انك في الرياض فـ لاتفحص السيارة الا عند البريدي الي عند معارض النسيم
بالتوفيق