من منكم حصل له موقف غريب خارج عن المألوف..!!!

[صوح الجبل]

فعلاً شي غريب ....... مشكور ياناصح على هذا الموضوع ..... لك تحيتي

[الوافي عزام]

السلام عليكم ورحمة الله وبركاته

اولا اشكرك اخوي ناصح على موضوعك الجميل

وثانيا اروي لكم قصه حدثت لي قبل 3 سنوات

ذهبت للصمان بعد خروجي من العمل في ايام الصيف لصيد القميري والطيور المهاجره الأخرى . وكنت انا وقريب لي فقط . وتصيدنا في اليومين هذي وانبسطنا ويوم جاء يوم الجمعه مشينا بالليل ولآكن وحنا راجعين وباقي للمزفلت قرابة 30 كيلوا والا ذاك الصوت اللي كنه صياح سمعته انا قبل رفيقي وعلمته بسرعه وقالي ما اسمع شي انا من فضل الله سمعي جيد جدا ولا اشكك بالأصوات ولا كن اصر رفيقي ان مابه صوت وقفت السياره وطفيتها والا الصوت واضح وسمعه خويي وتأكد من كلامي شغلت السياره وتقدمت والصوت مازال مستمر ودريت انه يبينا احترنا والله وارتبكنا وقررنا نروح على وجهت هالصوت قلنا سبحان الله احد متعطل والا مقروص .
قلت لرفيقي ولم الشوزن ما ندري وش قدامنا هل هو خير والا شر . ونمشي ونوجه للصوت وكل ماله نقرب منه ويزيد الصياح حتى وصلنا لحزم مرتفع والصوت فوقه بالضبط واطلع الحزم وش تتوقعون ؟؟؟؟؟؟؟؟؟ بنقالي ضايع ومعه فوق المية راس من الغنم؟؟؟؟

والله اني ماصدقت
طلع البنقالي توه جديدمايعرف ولا كلمه عربي ولا له بالغنم والسبب اللي خلآه يضيع جانا في نفس اليوم عج قبل المغرب بنصف ساعه والله العالم ان العجاج هو اللي ضيعه .

واثر الضعيف ذابحه الخوف وضميان وحالته حاله .

وسوينا اللي علينا والله يقبله

وشكرا

[الغزال الشارد]

[بعير مدرعم]

مايحتاج متاكدين مليون بالمليون الفيضه ام المصران ومليانه كشاته وسعه صدر وحولها ابراج الجوال على طريق الردميه للشملول و 99% من زوار الصمان هل السنه زاروها

[هواوي]

موقف حصل لي والواقف كثير مره بحم الرحلات الكثير

ولكن موقف باذكره هنا او بالاصح موقفين

الاول كنا في احد ايام الصيف وفي نهايه الصيف كنت انا واحد الاصدقاء ذاهبين الى منتزه السحاب في ابها لننتظر بعد المغرب لنستطيع لاصوات الحيوانات (0والي يروح ابها يقدر يسمع النمر المغرب والقبل الفجر بوضوع
المهم وحنا كنا تخت وجالسين وسط الهدوء الرهيب فجئه سمعنا صوت طفل يبكي بكاء شديد يقطع القلب فزعه تشتغل ويوم جيت ابي اخذ سلاح من السياره قال خوي وين رايح قلت لازم ننزل نشوف وش الحكايه قال خلنا نمشي بلا فزعه بلا هبال هذا جن ودايم ينسمع هنا ومهما تنزل تلقاه تحت يعني الهدف الي ينزل ما يطلع مره ثانيه طبعا مشينا وتركنا وعلمني خويي عن مواقف لنفس الصوت وحكايات عن ناس نزلوا يحاولون يفزعون له ولقوا ترجيم واشياء هبلت بهم


الموقف الثاني على طاري الاطباق الطائره

فهي والله صارت وكنا كثير وهو انا يوم كنت ماشي في طريق بعيد عن العالم وفجئه شفنا جرم في السما وكانت الليله قمرا وكان كنه يحترق حنا وقفنا وسيارات كثير وقفت وكان جسم يطلع منه دخان ويطير بتعرج شديد لدرجه ان واحد اتصل على الدفاع المدني وبلغهم بسقوط طائره المهم طول وببطئ يتعرج ولكن فجئه وحنا كنا كثير متجمعين نشوفه فجئه انطلق بسرعه شديده الى وزي الشهاب باضبط

ثم اغلب الموجودين قالوا انه جن وانا كنت اشوف انه جسم غريب ولاهو طياره ولا جن

قصتين على الطاير

[ناصح]

موقف حصل لي والواقف كثير مره بحم الرحلات الكثير

ولكن موقف باذكره هنا او بالاصح موقفين

الاول كنا في احد ايام الصيف وفي نهايه الصيف كنت انا واحد الاصدقاء ذاهبين الى منتزه السحاب في ابها لننتظر بعد المغرب لنستطيع لاصوات الحيوانات (0والي يروح ابها يقدر يسمع النمر المغرب والقبل الفجر بوضوع
المهم وحنا كنا تخت وجالسين وسط الهدوء الرهيب فجئه سمعنا صوت طفل يبكي بكاء شديد يقطع القلب فزعه تشتغل ويوم جيت ابي اخذ سلاح من السياره قال خوي وين رايح قلت لازم ننزل نشوف وش الحكايه قال خلنا نمشي بلا فزعه بلا هبال هذا جن ودايم ينسمع هنا ومهما تنزل تلقاه تحت يعني الهدف الي ينزل ما يطلع مره ثانيه طبعا مشينا وتركنا وعلمني خويي عن مواقف لنفس الصوت وحكايات عن ناس نزلوا يحاولون يفزعون له ولقوا ترجيم واشياء هبلت بهم


الموقف الثاني على طاري الاطباق الطائره

فهي والله صارت وكنا كثير وهو انا يوم كنت ماشي في طريق بعيد عن العالم وفجئه شفنا جرم في السما وكانت الليله قمرا وكان كنه يحترق حنا وقفنا وسيارات كثير وقفت وكان جسم يطلع منه دخان ويطير بتعرج شديد لدرجه ان واحد اتصل على الدفاع المدني وبلغهم بسقوط طائره المهم طول وببطئ يتعرج ولكن فجئه وحنا كنا كثير متجمعين نشوفه فجئه انطلق بسرعه شديده الى وزي الشهاب باضبط

ثم اغلب الموجودين قالوا انه جن وانا كنت اشوف انه جسم غريب ولاهو طياره ولا جن

قصتين على الطاير

بصراحة لو كنت مكانك وسمعت بكاء طفل لتوقعت أنه مفقود من أهله ولم يخطر في بالي أنه من الجان ..!!


عموما شكرا لك على سرد مثل هذه المواقف العجيبة
وأشكرك على التزامك بشروطنا وهي أن تكون القصة حدثت لك شخصيا ..

[عبدالرحمن]

قصتي قصيره ولكن ما ادري كيف اصنفها :

لما كنت صغير ابوي كان ياخذنا لمزارع نصيد فيها انا و اخوي الي اكبر مني , والمزارع هذي معروفه بالابار القديمه ( القلبان ) المحفوره يدويا , وفي احد الابار كان فيه عامود حديد على الجال بينه وبين طرف القليب اقل من شبر , اخوي كان يتمسك فيه ويطل في البير يشوف فيه حمام والا لا , وفي يوم من الايام شافه ابوي وهاوشه و فهمه انه في اي وقت احتمال يطيح هو والعامود الحديد , وطبعا صغار و اخوي يدخل الكلام من اليمين ويطلعه من اليسار , واستمر اخوي كل مره يتمسك في العامود هذا ويطل في القليب تقريبا لمده 6 سنوات وهو يكرر الحركه هذي كل مره ياخذنا ابوي للمكان .

قبل فتره كنت في المكان نفسه وبالتحديد واقف عند القليب نفسه صاحبنا في القصه , محيط بالقليب 11 عمود حديد كلها نفس المقاس والشكل واللون الاحمر المتقشع , كلها موجوده الى الان ما نقص منها الا الي كان اخوي يتعلق فيه ويطل داخل القليب , طليت في داخلها لقيتها مدفونه والعامود طايح فيها على بعد 4 امتار تقريبا .

واذا حصل ومريت من عند المكان ان شاء الله اصوره واحط الصور

[أسيرالغربه]

والله قصصكم رهيبه
الله يعطيكم العافيه
صارت مع الوالد قصه وحنا معه عام 1979م فاك أبوي سياره ذيك الأيام جديده المهم
طالعين من ديره بنجد ورايحين الرياض وحنا في الخط والوقت متأخر من عقب نص الليل وعلي نور السياره ونشوف شي (شكله كنه ذيب أوما يشبهله ) ناصينا من جنب الخط وفيه أحتمال أنه يصدمنا دعس الوالد بنزين قال كود اقطع قبل يصدمنا ألا وذيك الضربه القويه في الكفره الخلفيه وكأنه دعس شي أرتفع الموتر ونزل ثانيه من الضربه وقف أبوي ورجع بالموتر يبي يشوف وش اللي دعسناه وندور ولا نلقي شي ونناظر الموتر ولا فيه شي وكنه ما صار شي ذكرنا ربنا ومشينا وعرفنا أنه جن خصوصا ان المنطقه معروفه بكثرة الجن فيها
هذي قصه ولي عوده بغيرها


أذا ما يزعجكم

[ناصح]

أسيرالغربة

الحمد لله على السلامة

واشكرك على التفاعل وسرد هذه القصة العجيبة ..

[مرفــأ]

الحمد الله لم أرى من الموافق الكثير غير موقفين الأول لم أجد تفسير له والثاني يبدوا اني وجدت تفسير له

الأول
وكنت صغير وكانت بعد إحتلال العراق للكويت بأشهر وقبل اندلاع الحرب ومن طبعي حب السحاب ومتابعتها وفتحت النافذه اطالع السماء والمح من بعيد ضوء طائرة من الشمال الغربي ولكن ماشد انتباهي قوة الضوء وبقيت اراقبه وكان بطيء الحركة تقريباً يعادل ربع سرعة الطائرة وكان الضوء يزداد لمعانا كل ما اقترب وبدأت أشك انه ليس طائرة وبعدما اقترب وبانت ملامح الجرم وكان عبارة عن كورة بحجم أكبر من الشمس بقليل وبحركة مستقيمة ذات تعرج قليل من اليمين واليسار وشكلها ليست ملساء او شديدة الاستدارة بل اشبه بالحجر المستدير وخلفها مثل الذنب القصير والوانها مابين الاصفر والازرق والابيض ولها صوت يشبه الطائرة ولكن بشكل اخف بكثير

لم اصدق مارئيت فصعدت الى السطح وراقبته حتى اختفى الجهة الجنوبية الشرقية

أخذ الموضوع من بدايته حتى نهايته حوالي الثلث لساعة وكان حول الساعة 9 مساء والمكان حي المعذر الشمالي ومر الجرم فوق رأسي تماما وهو يقطع مساره من الشمال الغربي وحتى الجنوب الشرقي

الغريب ان أحدا لم يراه ولم يتحدث عنه احد ولم اذكر الموضوع الا عند قله من الناس خوفاً من عدم التصديق

قصصت الموضوع للوالد والوالدة واخي الكبير ولكن للأسف لم يصدق احد وقالوا انك تتوهم

الجرم لاتنطبق عليه ابداً اواصف الطائرة ولا الاطباق الطائرة
ولا ينطبق عليه ماينطبف للمذنبات لقربه وسماع صوته وبطئه


القصة الثانية ايام الدراسة في الجامعة قبل حوالي 5 او 6 سنوات وكنت موصل احد الزملاء الى سكن الطلاب والوقت كان متأخر جداً قبيل اذان الفجر بربع ساعة تقريبا وانا اسير في طريق السكن خارجاً منه وكنت لوحدي في الطريق ولايوجد اي سيارات فإذا بكنغر صغير يقطع الطريق بسرعة عالية والتعوذ من الشياطن وسألت بعض الزملاء ومن لهم اهتمامات بمثل هذه المواضيع فقالوا جن

ولكن سئلت بعض الزملاء من جنوب المملكة وتحديداً ابها فقالوا لي اسم حيوان نسيت اسمه يعيش في ابها بنفس المواصفات وغير اليف
ففسرت الموضوع انه ربما احد الطلاب من المنطقة الجنوبية احضره معه وهرب منه .

[بحر الظلمات]

انا حصل لي موقف ونا عمري خمسة سنوات والا الان لما اتذكره يضيق صدري
طبعا ما شفت جني ولا ضعت بالبر لحالي كنت في البيت مع العائله وجاب الوالد ضب معاه للبيت طبعا انا خفت من الضب لاني اول مره اشوفه وكان ضب كبير الحاصل ان الوالد لما شافني انا واختي اللي اكبر مني خايفين قرر يذبح الضب ولكن ليحصل ما قضاه الله ان الاذان اذن وقال الوالد ان شا الله اذا جيت من الصلاه اذبحه واعطا الضب لخوي الكبير قال له اربطه الحاصل ان اخوي لما جا بيربطه كنت انا خايف وبعدت عنهم تقريبا عشره امتار لكن من جهلي وصغر سني اني كنت مقابل لهم تماما عاد اخوي لما جا بيربطه حصلت الكارثه وشرد الضب وماله عني والله اني تسمرت بمكاني وماتحركت تدرون ايش صار ******* تشعبط بي ودخل وسط الفانيله حقتي انا طبعا اغشي علي من هول الموقف وطحت وجت امي ورشت علي ما ولما فقت كنت مرعوب جدا من الموقف والله ياشباب اللي الان لو ما اضغط على نفسي واستحي من الناس كان احط رجلي لما اشوف الضب

حررت المشاركة من قبل ناصح

[بعير مدرعم]

انا حصل لي موقف ونا عمري خمسة سنوات والا الان لما اتذكره يضيق صدري

الغلط انكم مامصعتو ظهره لا بارك الله فيه العادة الي بيصيده ويتركه عند الصغار للعب يسحبه مع ذيله بقوه مع مسكه من جسمه لمصع ظهره ويترك بعدها ماعاد يتحرك الا على خفيف .

[الربذي]

انا حصل لي موقف ونا عمري خمسة سنوات والا الان لما اتذكره يضيق صدري
طبعا ما شفت جني ولا ضعت بالبر لحالي كنت في البيت مع العائله وجاب الوالد ضب معاه للبيت طبعا انا خفت من الضب لاني اول مره اشوفه وكان ضب كبير الحاصل ان الوالد لما شافني انا واختي اللي اكبر مني خايفين قرر يذبح الضب ولكن ليحصل ما قضاه الله ان الاذان اذن وقال الوالد ان شا الله اذا جيت من الصلاه اذبحه واعطا الضب لخوي الكبير قال له اربطه الحاصل ان اخوي لما جا بيربطه كنت انا خايف وبعدت عنهم تقريبا عشره امتار لكن من جهلي وصغر سني اني كنت مقابل لهم تماما عاد اخوي لما جا بيربطه حصلت الكارثه وشرد الضب وماله عني والله اني تسمرت بمكاني وماتحركت تدرون ايش صار ******* تشعبط بي ودخل وسط الفانيله حقتي انا طبعا اغشي علي من هول الموقف وطحت وجت امي ورشت علي ما ولما فقت كنت مرعوب جدا من الموقف والله ياشباب اللي الان لو ما اضغط على نفسي واستحي من الناس كان احط رجلي لما اشوف الضب

حررت المشاركة من قبل ناصح

صدقت اخوي اي واحد يتعقد من شي او يخوفه مره يجيه رعب منه لايمكن وصفه انا عني مااحب العجاج او صوت العجاج بالشجر وهو مقبل بالليل والله يكاد يغمى على ..
بسبب حادثه لي وانا صغير عمري خمس سنوات جاء عجاج شديد وتركوني لحالي مشغولين بالعفش طار والدنيا احتاست والسياره مشت لانها كانت مفضاه وكان عمري تقول امي رحمها الله حول خمس سنوات والي يومك وهو معقدني العج احلم فيه من اكثر 25سنه الى الان ..

[عبدالرحمن]

ههههههههههههههههه روني طبيعي انك تخاف من الضب اذا كنت اول مره تشوفه ولا تدري وشو , كل انسان والبيئه المحيطه فيه . بس قصه ممتعه

[سليمان911]

السلام عليكم ورحمه الله وبركاته
مشكور اخوي ناصح على الموضوع والقصص
ومشكورين الاعضاء على تفاعلهم مع الموضوع
ننتضر قصه جديده