وعليكم السلام ورحمة الله وبركاته

اولا : البايلوت الاصلية كورية

ثانيا : لازم تفحص العصاة اللي تبغى تشتريها من جهة الليونه والوزن والطول ونوعية الحلقات وطول القاعدة.
توضيح : تعتمد نوعية العصا اللي بتشتريها على نوعية صيدك كبير اوصغير وعلى المكان اللي راح تصيد فية هل هو عميق او رق (قليل العمق) .فكل ماصار صيدك كبير ومكان صيدك عميق تاخذ العصا الاقصر والاقسى والعكس صحيح ولاتنسى انك تتاكد من طول القاعدة بحيث انها تكون مناسبة لك في الرمي والسحب .

ثالثا: واضح من مدحك للعصا الثانية (BANAX ) انك مرتاح لها بس انا عن نفسي ماجربتها ولا اقدر احكم عليها ولكن انا مجرب البايلوت ترها عصا جيدة

رابعا : اذا تبي مكينة تخدم معك خذ لك مكينة بانكس صناعه كورية او خذ لك مكينة دايوا صناعة تايلاندية (BG90) طبعا هاذي المكاين المتوفرة في اسوقنا وسعرها ومعقول وجودتها مقبولة وفي طبعا غيرها يفيدونك الاخوان .


تحيـــــــــاتي لك