وش افضل دافور أو موقد للبر

[صفحة تربوية]

وش افضل دافور أو موقد للبر

سيارتي لاندكروزر واحب يصير مع عزبتي موقد حلو ومناسب
وكذلك يصلح للقهوة والشاي وقدر كاتم مقاس 8 لتر

[صفحة تربوية]

او هذا

اللي اسمه عنكبوت

[صفحة تربوية]

أو الدافور العادي ازرق

[الرحال2222]

اخوي حسب احتياجك ورغبتك وحجمة يختلف حسب الاذواق اشوف تاخذ اثنين واحد صغير لعزبة الشاهي والثاني كبير للطلعات والطبخ والنفخ

[عاشق السيل]

بوجهة نظري الشخصية دافور أزرق كل أجزاءه أصلية وحجمه 3 رطل ،، خفيف الوزن سعر مناسب سهل الاستعمال صغير الحجم يمشيك أربع أو خمس طلعات تكده كد !!!

[SNIPER07]

مع الاخ عاشق السيل ، الازرق

[ابو عزيززز]

عزيزي

اولا من الافضل ان تذهب الى محل رحلات وسوف تجد عنده خيارات متعدده من القزوز الشنطه وتقرر وقتها ماهو الانسب بالنسبه لك

ووربما تجد ماركه غير معروفه صناعه صينيه بسعر رخيص جدا (نسبيا) و(جميل وانيق الشكل) ولكنه يعمل مثل المشهور الغالي اللي صناعته صينيه اي من نفس الطينه

عن نفسي ارشح لك دافور يورو كامبنق 5 رطل ايطالي مع راس ايطالي وسعره (مع الرأس) في حدود ال105 ريال ...(او دبه سويديه اذا وجدت)

وهذا هو الدافور الرئيسي عندي لانه سهل النقل وعملي وحجمه مناسب وسعته او كمية الغا. مناسبه .. وال5رطل كافيه لرحله ل 6اشخاص لمدة يومين (تقريبا)








بالمناسبه


اذا كنت في الرياض فانصحك بزياره محل البريه(لانهم جيراني ودايم امرهم) وعندهم خيارات لاباس بها من المواقد الصينيه عينيين وكذالك كوفيا عينيين وعندهم ايضا يورو كامينق ايطاليه 5 رطل ب75 تقريب وبريموس 5 رطل سويديه ب98 ريال والراس الايطالي(مجرب وممتااز) ب 30 او 35 ريال

[ابو عزيززز]

دافور دبه بريموس 5رطل وتلقاه عند البريه مع الراس الايطالي ب130 ريال








هذي دبة اليورو كامبينق 5 رطل الايطاليه مع الراس الايطالي ولاحظ المنظم اللي يخلي الدبه تشغل القز العينيين العادي وسعرها 105 مع الراس والمنظم (صيني)ب12 ريال والايطالي خابره عند اليابس بحدود ال30

[ثلج ساكن]

انا ايد ماقاله الاخ بالاضافه انك تروح السنيدي ترى عنده انواع واجد وعنده الدبه الزرقاء الهنديه ماركه dpt,وموقد البريموس الاحمر تراه ممتاز جدا وفيه غيره مواقد ويليها انته تختار مايناسب تحياتي

[صيادالجبيل]

عن نفسي ارشح لك دافور يورو كامبنق 5 رطل ايطالي مع راس ايطالي وسعره (مع الرأس) في حدود ال105 ريال .

[صفحة تربوية]

مشكورين جدا جدا على ردودكم


لكن سؤالي هل الدافور الازرق يصير له رائحة بالسيارة ( السيارة لاندكروزر صالون )

[صفحة تربوية]

في حائل وين أحصله أو في بريدة

[صفحة تربوية]

دافور دبه بريموس 5رطل وتلقاه عند البريه مع الراس الايطالي ب130 ريال








هذي دبة اليورو كامبينق 5 رطل الايطاليه مع الراس الايطالي ولاحظ المنظم اللي يخلي الدبه تشغل القز العينيين العادي وسعرها 105 مع الراس والمنظم (صيني)ب12 ريال والايطالي خابره عند اليابس بحدود ال30

في حائل أو بريدة وين احصله ( اصلي )

[ابو عزيززز]

ياعزيزي

انا من الرياض ولا اعلم عن محلات القصيم وحايل

البريموس السويديه اعتقد انها نادره ولا اعلم من يبيعها غير البريه بالرياض وان كانت هنا في المنتدى عليها بعض العروض مثل هذا الرابط

http://www.mekshat.com/vb/showthread.php?t=473558

او هذا

http://www.mekshat.com/vb/showthread.php?t=475044



اما الدبه الايطاليه اليورو كامبينق فهي موجوده لدى بعض المحلات .. (وهي في طريقها للانقراض اذا انتهت من المستودعات)

وفيه ايضا يورو كامبينق صينيه باديه تنشر وتحل محل الايطاليه..( وهذه ليست في الخيار)

والفرق واضح بين الثنتين لان الاوله مكتوب عليها صناعه ايطاليه والثانيه مكتوب عليها صينيه

اما الراس الايطالي فهو موجود في اغلب المحلات

[FORD1969]

مشكورين جدا جدا على ردودكم


لكن سؤالي هل الدافور الازرق يصير له رائحة بالسيارة ( السيارة لاندكروزر صالون )

اذا كانت سيارتك لاند كروزر بيطلع ريحه اما اذا كانت فرت ماتطلع ريحه

اسمع وناخوك اذا حرصت على مكانها في السياره وبعيد عن الأغراض والضربات ومسكر المحبس صح ماعليها الا العافيه لأن بعض المرات ينضرب الراس مع المطامر في البر وتتأثر الأبره وينسم دون علمك ويحدث مالايحمد عقباه بسم الله عليك والأفضل تحملها بعد فك الراس ......
اذا بغيت تحيره فخيره ..................<انت وهواك بخصوص الدبات والمواقد واحتياجك كان شغلك ثقيل وربعك واجد لاتتعدى الفوكر ابوعينين اما خفافيه عندك الدبات بانواعها


موفق وانتبه من المطامر