يالربع هنا أحد موجود..
عندي مشكلة بالموتر..
تو باشغل يقول تك تك تك ؟!!!
الموتر فكس 2007؟
هل البطارية هي المشكلة؟؟
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يالربع هنا أحد موجود..
عندي مشكلة بالموتر..
تو باشغل يقول تك تك تك ؟!!!
الموتر فكس 2007؟
هل البطارية هي المشكلة؟؟
أخوي أبو فارس بيض الله و جهك
و جعلك ذخر و الله يوفقك وين مارحت انت و جميع اعضاء رابطة البرادو فقط.!
أمزح و جميع المسلمين
عموما أنا يابعدي رايح الأن للصناعية ابي أزبط الموتر من كل شي
فحمات و قماشات خرط هوبات وزن اذرعه تغيير صفايه بواجي
يعني بأنفض الموتر من كل شي الله يعين خساير بس وش السوات الموتر توي شاريه جديد
و وراي سفر نهاية الأسبوع
و إن شاء الله أوفيكم بالتقرير عن كل العمليه مع التكاليف
محبك أخوك / أبوعبدالعزيز
السلام عليكم و رحمة الله و بركاته
أسعد الله صباحكم بكل خير
اليوم ذهبت بالسيارة و بدأت مرحلة الإصلاحات الاساسية الدورية
و خرجت من العصر و كان اليوم كله لنظام المكابح كامل طبعا و وثقت الشغل بالصور لكي
تكون الفائدة أكثر و المعلومة أوضح و نبدأ على بركة الله :
المكان : صناعية الامير سلمان أو القديمة كل الأسمين يصلحن .
الزمن : السبت 20/2/1433 .
الوقت : من الساعه الرابعة و النصف حتى الساعه الثامنة و الربع .
المحل : مركز ميزان المجد .
هذي صورة المزيون بعد ماشالو الكفرات و رفعوه
و هذي صورة الفحمات الأمامية هي اللي فوق يسار الكبيرة
و اللي تحتها الفحمات الخلفية
و اللي بالجنب القفيز أو المشقبيات اللي على شكل m أو w
وهنا رقم 1 يعني المبرد اللي يخرطون الهوبات فيه
و رقم 2 برادة الحديد اللي تخرج من الهوبات
وهنا الإستعداد لغسل الهوبات الخلفية لأجل عمل وزنية الجلنط
و بالتحديد يغسلون القماشات بالماء و الهواء بالكمبرسر
هنا لو تلاحظون بدأ نفخ الهوا مع الماء لأجل التنظيف حتى تروح برادة الحديد و الزهر حق الفحمات و الهوب بقوة الماء و النفخ
و هنا لو تدققون بالهوب الان هو في أثناء الخرط
الخطوط الخضرا تبين ماقد تم خرطة و صار طبقه بسماكه وحده
و الخطوط الحمرا تبين الجزء اللذي لم يخرط حتى وقت إلتقاط الصوره
و الخط الأبيض الفاصل بينهم
وهنا تحت صورة الهوب الأمامي من الوجه و يبين فيه
أسهم الرقم 1 تبين المشقبيات أو القفيزات ماسكة في الهوب من الجهتين
وتمسك الفحمتين الأماميه لكل جهه و طبعا على كلام بعض الشباب أنه لازم تتغير
لكن التنبيه أنه لكل هوب 2 مشقبيه وليست 1فقط
لأني تفاجات عند فتح الهوب مالقينا غير 1 بس اللي أسفل و السيارة من وكالتها تكون لازم موجود 2 فوق و تحت لكل هب بس أمامي فقط
و أسهم رقم 2 هي المسمار طويل يربط ويمسك بين الفحمتين للهوب و تشبك فيه المشقبيات و واضحه بالصوره أكثر
وهذي صوره من الاعلى للهوب الأمامي بعد الأنتهاء قبل تركيب الكفر
و تاضح المشقبيات على شكل m أو w هي نفسها وحده
بس لما تقلبها تقرأ بالحرف الاخر
أنتهينا و لله الحمد من الصور و الشرح
بالنسبه للفلوس هي كالتالي
أعمال (شغل يد)
قيمة خرط الهوبات الأربعة أمامي و خلفي +
قيمة تغيير فحمات أمامي و خلفي +
وزن جلنط = الإجمالي 230ريال
قطع غيار
قيمة فحمات أمامي أصلي ياباني = 280 ريال
قيمة فحمات خلفي أصلي ياباني = 150 ريال
قيمة أربع مشقبيات أصلي = 40 ريال
إجمالي قطع الغيار = 470 ريال
بالنسبه للقطع درت بالسوق لمحل الضحيان و النهدي و غيره
أحسن شي أنك تأخذ من نفس محل الغيار اللي تابع لمركز المجد لأنهم يوفرونها بسعر أقل عن السوق ونا لفيت و تأكدت بس أهم شي أحرصوا على الياباني لأن عندهم بعد تايلندي يفرق قرابة 60 ريال
إجمالي صيانة نظام المكابح المذكور بالأعلى و بالخطوات اللي شفتوها
هو = 700 ريال
و الحقيقه الشغل حقهم جدا ممتاز و الشهاده لله ان الموتر فرقته عن أول بشكل
كبير جدا صار أفضل في الفرمله مع الوقفه و اهم شي بلا أصوات صرصره
و أعتذر على الإطاله و شكرا للجميع
أتمنى أني أكون أفدت هذي الرابطة بالقليل
و فقط أرجوكم دعوه بظهر الغيب لأخوكم / أبوعبدالعزيز
التعديل الأخير تم بواسطة mesh.3 ; 15/01/2012 الساعة 02:15 AM سبب آخر: كتابة الموضوع بشكل منسق و كامل و الصور تكون ظاهره و أستنزف عمل الموضوع مايقارب 3 ساعات و لم أغلقه إلا متأخرا بالليل سهران!!
ما شاء الله تبارك الله..توثيق رائع ومتكامل..
بيض الله وجهك..
شرح بكامل التفاصيل والتوضيحات اللازمة..
وأبد اللي تدفعه للموتر في مثل هالأمور ما فيه خسارة نهائياً..
لابد من الصيانة الدورية اللي تجعلك تمشي باطمئنان وتطيل من عمر الموتر..
ولا تنسى شغلات الفلاتر (البانزين - الهواء) والزيوت..
مشكور وجزاك الله خيرأخوي علي حياك الله
اكيد تختلف الكرونه حقت الموديل الجديد عن القديم
من موديل 2005 لحد 2009 نوعها يختلف عن الموديل 2003 - 2004 لكن الفرق هنا في عدد المسننات وترس العمود
فأتوقع من باب اولى الفرق يكون كبير بين الشكلين 1994 و 2009 الله يحفظك
تقبل مروري
ياجماعه مطلوب هوك وكاله حق برادو
نفس الي منزله أخوي mesh.3 بالرد فوق بأول صوره
مشكورين
الذين يشاهدون الموضوع الآن: 1 (0 من الأعضاء و 1 زائر)