مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
متابع بصمت
يا جماعه للمره الثانيه
السلام عليكم
معي برادو 2009 تماتيك 6 سلندر
من يركب دفلك ؟
وبكم ؟
لقيت دفلك حق برادو مديل 94 هل يركب أو لا ؟
الله لا يهينكم
وجزاكم الله خير
حياكم الله جميعا..
في موضوعي الجديد..
في خيمة الرحلات البرية..
روضة الخفس وموية خفس بنبان الخميس والجمعة 11-12/2/1433 صور متعددة .:. سال السيل .:.
الله يجزاك خير ابو اريج
بالنسبة للربله يقدر هو يتأكد منها بنفسه ولا يخسر
يفك الديكور اللي حول القير والدبل يبدأ بالقطع الفضية اللي على الجنب وكلها السالفة كبس
بالمناسبة فيه ربلة فوق عند العصا وربلة تحت من جهة القير يتأكد من اللي تحت في حفرة زيت وياخذ كشاف معه للتأكد
اذا كانت سليمة كلها الله يعينه يروح العضيب وينزل القير والدبل ويشيك التروس
تحياتي×
ووجهك ابيض اخوي ما سوينا غير الواجب
بخصوص مثبت السرعة
يا ابن الحلال هذي مشاكل وتصير بكل سيارة
قبل امس الظاهر اسمع بالقصيم لاند كروزر خاش بعمود الله يكافينا الشر
وقبله اللي بحفر الباطن وطريق الحجاز وطريق الدمام يعني فيه مشكلة موجودة
وشركة عبداللطيف استدعت فريق من المصنع للكشف
ونشوف وش يصير
موضوع كسر القزازة عشان نظام الامان Security اللي بالسيارة يستجيب ويفصل الكهرباء عن كامل السيارة
لان يعتبرها سرقة ويفصل الكهرباء هذا والله اعلم
بس انا شكوكي تدور حول السرعة 210 !!!
كل السواقين يمشون بذا السرعة؟
انا مع اولاد العم سافرنا على VXR موديل 2011 حق عمي لدبي وماشين 200 ومثبتين ولا صار شي الحمد لله
فأتوقع المشكلة في بعض الاصدارات فقط
السلام عليكم و رحمة الله و بركاته
أرجوا من الله أن يكون الجميع بصحة و عافية و خير
الحقيقة أنبسطت جدا لهذه الرابطة للجيب العزيز برادو
و لله الحمد يسر الله لي أن أشتريت برادو قبل أسبوع
و لدي بعض الإستفسارات في السيارة فأرجوا أن أجد الإجابة هنا
من الأخوه الأعضاء
1.أريد تغيير زيت القير وين تنصحون أغيره؟
لأن الموتر ماشي 207000ألف تماتيك 6سلندر وصاحبه الأول يقول ماقد غيرته طبعا بعد صيانة الوكاله حدود 100 ألف
2.المساعدات و اليايات إيش الأفضل في تركيب جديده غير الوكاله؟
لأنه بعد الكشف قالوا لي يبيلك تغير مساعدات خلفية و الموتر كويتي و تانكيين أتوقع يأثر يعني حمل الخزانين وسمعت بمواضيع سابقه عن البالون و الياي أسترالي و المساعدات أسترالي و مساعدات أف جي و لاندكروزر97 ...إلخ
3.أبغا أركب بطارية إضافية و ماطور هوا و محول مع أنوار في الكبوت و الباب الخلفي؟
سمعت بواحد يركبهن بالسلي يقاله المنديل وش شوركم يا شباب تستاهل ولا أخاف تسوي بالموتر شي
علما بأن الموتر ماقد ركب شي في يعني بلده
علما بأني ناوي أدحدر بعد شوي على صناعية القديمة اللي حول مخرج 17 جهة الغرب عند ش/الجامعية
أبي أروح لميزان المجد يمدحون شغلهم أبي أغير الفحمات و القماشات خلفية و أخرط الهوبات و أسوي وزن أذرعه
علما بأني لي قرابة أسبوع أقرأ في الرابطة القديمة و عجزت أخلصها وصلت ص93 أبغا أخذ المعلومات بس تعبت قلت أسألكم أسرع لأني مسافر نهية الأسبوع
أعتذر جدا جدا جدا على الإطاله و أشكركم جدا
مافيه رد يا شباب!
أنا عارف دوامات و أشغال و الحين وقت تقييله
الله يعين الجميع
و شكرا...
وعليك السلام ورحمة الله وبركاته
مراحب اخونا الغالي وحياك الله بين اخوانك
واسأل الله ان يطعمك خير موترك ويكفيك شرهـ ويكون لك عونا في طاعته , والأجوبة ان وفقني الله كالتالي
1- الزيت الله يحييك رح لورشة العضيب الخاصة بلاند كروزر في الصناعية القديمة امتداد شارع الجمعية ولا تشاور بخصوص السعر , سعر ارخص من الوكالة والشغل عليه ضمان ( حدود 600 ريال مع الفلتر ) لكن عيبهم ما تدخل مع المحروس
2- اليايات والمساعدات تعتمد عليك في المقام الأول , اذا انت راعي بر وجلد دائما أنصحك بمساعدات ويايات FG او VXR 97 . او منرو افضل في حالتك لان موترك خليجي وتانكيين لكن راح يصير مطبه قاسي.
اذا اغلب الاستخدام اسفلت لكن طلعات خفافي فأنصحك وبشدة لا تغير عن الوكالة لانها اريح وانعم .
3- شغلات ماطور ولمبات ومحولات ( الإكسسوارات البرية ) وما اليه لا تحيد عن سوافي في مخرج 18 شغلهم مضمون ولك الأستفسار لكن خذ موعد من بدري .
وميزان المجد ممتاز بخصوص وزن الأذرعة جدا , انا معاملهم من تقريبا 7 سنوات ولا شفت عليهم ملاحظة لكن اوقف على راس العامل الله يعينك وعطه علبة بيبسي وازهل
اخيرا لك اخي الأستفساراكثر من الشباب , هذا ما حضرني ولك مني جزيل الشكر
أخوك : ابو فارس
أخوي إذا عندك علم عن كوارين البرادو 94 يختلفن عن المديل الجديد 2009البرادو فيه نظام اسمه تراكشن كنترول بديل عن الديفلك
سيارتك ممكن فيها هالنظام
واذا ملزم عليه مر الشركة الاستراليه ار بي اعتقد لهم فرع بالامارات ابحث عن ارقامهم
لكن انا متأكد تماما ان التكلفه عاااااااااااليه جدا فالافضل تركه على نظام التراكشن كنترول
ا
علما أن الموتر مافيه تراكشن
لاكن الي لا حظت أن الكارونه حقت البرادو تسمى كلتشات
السلام عليكم و رحمة الله و بركاته
للعلم و الفائدة رغم أن السؤال قبل أكثر من أسبوع
أنا شريت كفرات يوكوهاما 2011 ياباني أصلي مو حق دبي
مقاس الوكاله 265’65’17
مع الترصيص الكفر طلع 660 ريال *4 =2640
من محل بالغرابي أسمه الصقر و ركبت بعد جهاز حساس مره وحده رودسيفر
لأني لو بعرضه شوي متعب للسياره و بتثقل الطاره
الله يعز سيارتي الصني القديمه كفر برادوا واحد يعادل 4كفرات و الستبنه بعد من ماكسس
أتمنى أني أكون أفدتك باللي أقدر عليه
وشكرا
الذين يشاهدون الموضوع الآن: 1 (0 من الأعضاء و 1 زائر)