المشاركة الأصلية كتبت بواسطة Abo Yamen
السلام عليكم
نداء للأخوان في الرياض خاصة وجميع اعضاء الرابطة عامة
انا ان شاء الله رايح الرياض خلال الاسبوعين القادمة وناوي امر الغرابي لشراء بعض الكماليات للسياره (بليزر 93)
هل في محلات معينه تكون فيها تشكيله واسعه من القطع الي تناسب سياراتنا؟؟
او لازم ادور في السوق كله؟؟
انا احتاج :
هدرز , شبك امامي (بلاستك اسود) , اصطبات خلفيه (الي تجي دوائر وليس شرائح), جنوط 16 - 10 انش
ولو في اشياء اضافيه تنصحونا فيها ما نستغني عن نصائحكم
وشكرا لكم
وعليكم السلام
بخصوص طلباتك
هدرز لموديلك أعتقد منت لاقي بالغرابي ياتروح محل EFI4500 الي بشرق الرياض بين مخرج 14 و15 وأفضل لك أتصل عليه قبل لا تروح له هل متوفر عنده أو لا لأن أخبر يوفر أكثر شيء للجديد أما الغرابي أحتمال كبير جدا ماتحصل لان محلات قطع الأداء هناك شبه معدومة
شبك أمامي أسود نفس الشي مالك غير الصناعية القديمة مر باقادر أو السبيعي
أسطبات خلفية أعتقد بتلقى المذكور وفيه محل مشهور أسمه العليان بس غالي ولا عنده أكسسوارات أنواع واشكال
بشارع الغرابي الرئيسي فيه 4 محلات حق كفرات وجنوط أسمه لزوف أنصحك تمره من ناحية الجنوط عنده أنواع واشكال ومشهور جدا بهذي الأمور وكذلك مر محل السليماني حق أكسسوارات وونشات وجنوط له فرعين بالغرابي غير له فرع ثالث بطريق الملك عبدالعزيز حول مجمع المرسلات للاتصالات الي عند شركة الأتصالات