المشاركة الأصلية كتبت بواسطة Tahoe99
الله يعطيكم العافيه ويرزقكم من واسع فضله ماقصرتم جميعا
ونبدأ سلسلة التغييرات
أولا ألي يعرف لي جنوط جي تي 10 أنش مع كفراتها أو بدون للبيع أكون له شاكر
بما أن أخوي Tahoe99 جاب طاري موضوع جنوط 10 أنش فأنا ودي أتكلم فيها بما عندي
أولا شباب كثيرين طايحين بهذي الجنوط يركبونها بسياراتهم لغرض تبريز السيارة وأنها أفضل للبر وما شابه
الحقيقة هي نعم بأن النوعيات الي مثل جنوط جي تي تكون الجنط طالع لبرى ويصير ما يحتاج تبريزة
لكن حبيت أوضح شيء مهم فيها
تراها تثقل بشكل كبير على السيارة
ترى 8 أنش كافية جدا على السيارة مثل سياراتنا
أنا أستغرب من الي ياخذ 10 أنش وبالأخير يركب كفر عرضه 275؟!
بقولكم معلومة يمكن أغلبكم ما يدري عنها
تعرفون الهامر H2
وتعرفون فورد SVT RAPTOR
تدرون أن عرض كفرات هالسيارتين 315
لكن الي يمكن الأغلب مو منتبه له أن عرض جنوط البلد لهذي السيارتين هي 8.5 أنش!!!
يعني الجنط 10 أنش يستحمل كفرات عرض 315 وأكثر
والبعض يركب جنط 10 أنش وبالأخير يركب كفرات عرض مو مخصص لها
وفي هذي الحالة بتواجه مشكلتين
الأولى قد تتعلق بنوعية ليونة الكفر لكن أثناء تنسيم كفر السيارة الكفر ما ياخذ راحته بالفرش! يصير بس الوطية هي الي تنضغط للداخل لكن الجوانب ما تنزل واجد لأن عرض الجنط مو سامح أن الكفر يفرش بشكل مناسب
هذا شيء
والشيء الثاني ترى بيثقل ويتعب السيارة بشكل كبير خصوصا للي يحاول بأي طريقة يزيد من تسارع السيارة فأنت تتعبها بهذي النقطة لأن الجنط أعرض وأثقل بكثير من الي أنت تحتاجه
فمثل الحين 4 جنوط جي تي 10 أنش
بتفرق عن وزن 4 جنوط جي تي 8 أنش
بقولكم سالفة صارت مع واحد من زملائي
واحد معه جيب شروكي موديل 2001 6 سلندر 4 لتر تماتيك
طبعا قوته 190 حصان
قلت له تقاوم معي بشوف الفرق
أنا وهو مركبين مراوح كهرب
لكن هو مركب جنوط 10 أنش وكفرات أعتقد مقاس 275 على ما اعتقد المهم أنها ما تتعدى هذا المقاس
وللمعلومية الي معه شروكي 4 أبواب وأخف بكثير من وزن موتري
في البداية كنت أمسك معه الأول بالكامل
الثاني يعطيني فرق بسيط
الثالث يروح علي
بعد فترة الأخ باع الجنوط والكفرات ورجع جنوط وكفرات البلد
فقلت خلني بجرب معك للمرة الثانية
تدرون الأول ما قدرت امشي معه!
والثاني عطاني فرق يحبه قلبك!
لاحظتو كيف الجنوط هذي مثقلة على السيارة!
وعلى فكرة هذي المقاوم صارت على جنوط البلد مو الجنوط والكفرات مركبها حاليا
يعني الي مهتم بموضوع زيادة قوة تسارع السيارة الأفضل لايركب مقاس جنوط وكفرات أكثر مما يحتاج
أما الي مهتم وعاجبته شكلها فيطنش الي قلته
المشاركة الأصلية كتبت بواسطة شاري الوقفه
السلام عليكم ورحمة الله و بركاته
بعد طول الغياب نوافيكم بمشروع 454 على بليزر .
حصلت بليزر 92 مبوش وبسعر مناسب جدا . وتم الشراء و الحمد لله
انا الحين جالس اخطط على اني اشتغل فيها على مراحل .
مثلا المرحله الاولى
فك ورفع المكينه مع قيرها
المرحله الثانيه
تسقيط المكينه مع قيرها طبعا المكينه 454 و القير عادي
وفي هذي المرحله احب اخذ رايكم حول بعض النقاط وهي الكلتش لان القير عادي لابد من توليف كلتش .
النقطه الثانيه كيف اضبط امبير الحراره و باقي العدادات لان المكينه قديمه كلبريتر عادي . تختلف الضفيره فلازم توليف .
المرحله الثالثه و المهمه
انا اعتبرها تحدي المشروع و لكن ماتقصرون .
في المرحله هذي قررت الغي نضام التعليق كامل وهو المقصات و العكوس و تحويله الى دفرنس عادي وسست .
و ياليت لو تفيدوني ببعض الادوات المهمه في قص الحديد القوي .
المرحله الرابعه
بتكون داخلية السياره.
وان شاء الله نوافيكم بتقرير مفصل عن كل مرحله .
ولاتنسون دعواتكم لي .
والله يوفق الجميع .
اخوكم ابو ريماس .
المشاركة الأصلية كتبت بواسطة شاري الوقفه
وعليكم السلام ورحمة الله وبركاته
بالتوفيق بمشروعك يبوريماس
بخصوص المرحلة الأولى
بغيت أسئلك وراك فكرت بمحرك 454؟
أن كنت ودك تركبه يعني محصل واحد بحالة سليمة أو بتاخذه بتوضبه توضيب الوكالة
فأفضل تشوف محركات الأجيال الجديدة من الفورتيك أقربها 6 لتر أقوى وأقل حرارة لأن معروف 454 غثة بالحرارة
يعني لو بعطيك مقارنة بسيطة بس للتوضيح
محرك 454 نوع TBI حلاب موديلات 91 إلى 95
قوته 250 حصان وعزم 367 رطل/قدم
محرك 6 لتر فورتيك موديلات 2005-2006
قوته 345 حصان وعزم 380 رطل/قدم
بخصوص القير العادي سمعت أن فيه واحد معه من ملاك الحوض الجمس والشفر أن فيه واحد معه جمس قديم 454 دفرنسين قير عادي وترى الكلتش حق 454 عله ثقييل يبي رجلك اليسار لحالها تشيل أثقال
المهم السالفة واحد قال لزميله جرب الموتر (يقصد موتره 454 القير العادي) وكان زميله ما يداني القير العادي حق 454 عارف أن كلتشه ثقيل زميله أصر يجربه لأن فيه شيء معدله المهم الأخ جربه ولقى الكلتش خفيف بالمرة! سأله وش مسوي؟ قال مركب كلتش حق كورفيت
المرحلة الثانية
هذي وشطارة الي يتروح تخليه يسويلك الشغل هذا كله مسألة تغيير المكينة والضفيرة
المرحلة الثالثة
بصراحة ترى بتاكل عليك مبلغ مو بسيط
التعليق الحالي الي بالتاهو السبورت واليوكون الجي تي ترى أفضل للأستخدام المدينة وأريح ومو سيئة بالطرق الوعرة لكن الدفرنسين أمامي وخلفي هو أفضل للطرق الحجرية والجبلية علشان زيادة المرونة تحرك التعليق والمساعدات
فعندي لك فكرة هو أنك تتخلص من التعليق السفلي بالكامل
وتدور لك دفرنسات جمس 454 قير عادي حق صحن أو سوبربان موديلات 90 وتحت
لأن حسب ما أعرف ترى دفرنس البلد حق الموتر الي أنت شاريه ترى 454 يمكن ما يستحمله
بخصوص المرحلة الرابعة
دور شيء من التشليح أن لقيت شيء نظيف بتلقط منا ومنا
أو تدور من محلات قطع الغيار وموقع LMC TRUCK كانت بتدور بتركب كل شيء جديد
والله يوفقك بمشروعك وأستفسر أكثر لا تخلي ردي هو الرد الوحيد والشافي لك