السلام عليكم ورحمة الله وبركاته
هنا نستكمل نفس الموضوع الذي كان على هذ الرابط
وذلك لكثرة الردود في الرابط السابق
اتمنى الفائدة للجميع
xX_أبهاوي_Xx
AVALANCHE
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
هنا نستكمل نفس الموضوع الذي كان على هذ الرابط
وذلك لكثرة الردود في الرابط السابق
اتمنى الفائدة للجميع
xX_أبهاوي_Xx
AVALANCHE
تسلم اخوي على ردك والف شكر على المساعده
درب الصحراء الله يعطيك العافيه على مشاركتك لتجربتك معانا
أنت أشتغلت شغل كثيييييييير في موترك يعني كل شي عدلت فيه
بس الأهم النتيجه
الله يعينك على القير
ويمكن زعل يبيك تراضيه
وعشان الصفحه جديده وما ودي يضيع الموضوع
بعد أذنكم بعيد الأستفسار
يا شباب مساكم الله بالخير جميعا
أستفسار لو سمحتم ألي عنده الخبره أو جرب لا يبخل علينا بمشورته
أبغى اضافات تقوي عزم السياره وفي نفس الوقت تكون للأستخدام اليومي
وماتضر السياره بشي
أنا أسمع عن شغلات كثيره البواجي وأسلاكها والهدرز وغيره
لكن أبي أسمع من أهل الخبره
وش الاضافات المفيده
وكم حصان تزيد في القوه
ووين أحصله
ولكم الشكر ....
دام في جزء ثاني قلت اجيب شي من الاجزاء الاولى بس الصراحة و عن نفسي كل ما اشوفه قلبي يعورني
ان شاء الله 100 جزء بس حركولنا الرابطة شوي و الاعضاء الجدد ياريت تحطو صور مواتركم و تجهيزاتكم و التعديلات
لا تخلو الرابطة مكان للاستفسار بس
يعني بالله عليكم وين صور كشتاتكم و التطعيس
السلام عليكم ورحمة الله وبركاته
انضم لكم ياملاك التاهوات واليواكن
بسوبربان ٩٩
مكينة فورتك ٥.٧ ستوك
مبرووووووووووووك الجزء الثاني
الى الامام زنقه زنقه
[FONT=Times New Roman][SIZE=3][CENTER]المشاركة الأصلية كتبت بواسطة Moshakes13
طبعا الدانيو يعطي أختبار قوة السيارة على الكفر مو الحذاف يمكن مافهمت قصدك أو ماقريت ردي زين لكن مسألة أنه يضيف 12.5 إلى 20% قصدك زيادة قوة فهذا ما راح يصير
أختبار الدانيو على الكفر ينقص من قوة السيارة من 40 إلى 50 حصان تقريبا لسيارات القير تماتيك وقد ينقص أكثر أو يكون النقص أقل حسب عوامل معينة:
1- سلامة المحرك.
2- نسب تروس القير.
3- نسب الدفرنس.
4- حجم وعرض الكفرات.
قد لايزيد ولا ينقص القير والدفرنس من قوة الي بتطلع على الكفرات لكن بتختلف متى يطلع القوة والأعزم بدورات مختلفة
شوف هنا سلفرادو موديل 2010 مسوي دانيو قطع 1500 الي محركه 5.3 لتر فورتك
قوته الحصانية 324 حصان وشوف كستوك بالتجربة الأولى مطلع على الكفر 273 حصان أما التجربة الثانية مسوي برمجة
المشاركة الأصلية كتبت بواسطة درب الصحراء
المشاركة الأصلية كتبت بواسطة درب الصحراء
هلا أخوي درب الصحراء
عندهم برمجة لكن حسب كمبيوتر السيارة
يعني مثل سيارتي TBI مالها برمجة عندهم
لكن Vortec موجود لها برمجة وبرمجتهم أخبر حول 1000 ريال منب متأكد
وتكلفة الدانيو سويتها بـ 350 ريال
وكم قياس تقصد كم تجربة يعني؟ هي تجربة وحدة لكن عطوني ورقتين رسم بياني لأختبار القوة وحطيت أكثر وحدة واضحة بخصوص حساب القوة
أخوي Tahoe99 هذا يحدد كم أنت تبي تزيد من قوة
أنا سألت شباب واجد عن هذي التعديلات أنا بصراحة ودي واحد يقولي كم
جرب عن الفرق لكن حسب ما سألت يقولون مو الفرق كبير جدا يعني يزيد العزم لكن مو فرق يعني الواحد الي يطمح فيه أن كنت تبحث عن أرقام عالية
إلا أن كنت بترضى بخفايف مثل فلتر رياضي وهدرز وكات باك يمكن تعطيك الأداء المرضي أن كنت تطمح بفرق بسيط لكن مثل هذي الشغلات بأعتقادي حدها 30 إلى 40 حصان على الحذاف
عموما عندك أخوي درب الصحراء دام مركب هذي الاشياء بيفتيك فيها أكثر مني
التعديل الي أنا بسويه أن شاء الله هو أول شيء أني أتخلص من محرك سيارتي الحالي لأني أبغى فرق يتجاوز وأدنى حد 100 حصان على الكفر!
لأني سألت فيها ناس واجد خبرة بترهيم الجموس حتى ورشة SLR قلت لهم أنا ودي أعدل سيارتي وأبي أتعدى حاجز 300 حصان (طبعا على المحرك) قلت هل الأفضل أركب كلبريتر رياضي وبواجي وأسلاك بواجي MSD وفلتر رياضي وكام شيفت وهدرز وكات باك وملحقاتها أو أغير المكينة؟!
والكل جاوبني بتغيير المحرك أفضل من الأجيال الفورتيك الجديدة أفضل كـ 5.3 و 6 لتر (من 2003 وأنت طالع والأفضل 2005 و 2006) لأن هذي المكاين بتكون أفضل بالأستخدام اليومي لانها أفضل قوتها الحصانية أعلى بفرق حلو مقارنة بالسابقة وهوائيات وبرمجة بتعطيك أرقام أفضل لكن عيب 6 لتر أن قير 4L60 ماراح يطول معه لأن القير ضعيف ما يتحمل قوة وعزم 6 لتر فورتيك لكن فيه أفكار راح أسويها واطلعكم على المشروع حال البدا فيه أن شاء الله
وهذي صور بعض طلعاتي أهداء خاص لـ mohannadAs ولبقية ملاك الرابطة
هذي صور لبحيرة روضة الخرارة يوم الجمعة الي راح
موقعها للي مو عارف مكانها غرب الرياض بمنطقة المزاحمية تقريبا 60 كيلو عن نطاق مدينة الرياض
اولا: الله يطرح في الصفحة الجديدة البركة
ثانياً: الله يعطيك العافيه يا ابو أسد
وانا فكرت مثلك بتغيير المكينة وسئلت المختصين في ورش في الامارات ومنها لفريق راليات
فقالو مكينة موترك الي هي فورتك 5.7 من موديلات 96 الى 99 تعطي نتائج ممتازة بعد التزويد وارخص في قطع التزويد بعد من الجيل الجديد منها وتقدر تتعدى الـ 300 حصان وبسهوله
واذا تبي الشغل الصح خل شغلك مع هشام الملا في رحيمة تراه بطل ويبرمج لاغلب سيارات الخليج وبالحجز بعد
وسمعت انه دخل في تحدي مع ورشة SLR على افضل برمجة وطلع زيادة حوالي 50 حصان لنفس السيارة
وبعد عندة سيارة يشارك فيها لجولات الدراق ريس قدام فرق كبيرة خليجية وامريكية وهذي بحد ذاتها تبين انه افضل مبرمج في الخليج
وبالتوفيق للجميع
الف مبروووووووك الجزء الثاني
الله يعطيك العافية يابوعبدالله ومبروك اللإشراف
على طاري أبهاوي ... أحد شافه صار لي مده ماشفته
عجبتني داخليته رووووعه
الله يعطيك العافية أخوي مهند
مرحبا أبو أسد شعلومك..؟؟؟
معلومات رائعه وصور أررررروع .... بارك الله فيك
لعلني أدلو بدلوي معاكم
أخواني Tahoe99 ودرب الصحراء .... مساكم الله بالخير
الفورتك 5.7 نزلت من موديل 96 إلى 2000 حسب علمي
وتزويدها أرخص من المكاين الحديثه ... ولكن
قطع تزويدا قليله والناس اللي تشتغلها قليله
بعد ظهور مكينة الــ LS1 وجيلها توجهت الناس لها لخف وزنها
وجودة أدائها .
المهم أنا موتري 1999 ركب له أسلاك وبواجي آيريديوم وفلتر رياضي وهدرزز
ودبة ماقنافلو .. والنتيجة :
الموتر خف في الممشي على الخطوط السريعه لكن القومه صارت أثقل
شي طبيعي تصير القومه ثقيله لأن الموتر يبغاله برمجه
المهم الموتر برمجته الإسبوع الماضي بدون داينو (ستريت)
وغيرت الجنوط إلى 10 إنش وكفرات أعرض وأحس الموتر صارت قومته أحسن من أول والممشى ماشاء الله 200 ويطلب الزود ( الغيت الفصله)
وينقصني بس طعس عشان أجربه .
نسييييييييييييييييييت أقول لكم
الجنوط اللي على موتري للبييييييع
http://www.mekshat.com/vb/showthread.php?t=466332
تسلم يالغالي على المشاركة لهذي النتايج
كم كلفتك كل التعديلات ووين أقدر أحصل القطع وأركبها
أنا في الشرقيه
ولك الشكر
الله يجزاك خير أخوي Moshakes13
هلا أخوي درب الصحراء
أشكرك على المعلومات
أنا عارف أن برمجة هشام الملا أفضل من SLR لأني بصراحة سمعت من البعض أن برمجة SLR ساعات مو ذاك الزود
وفي حال بدء المشروع حاط ببالي أثنين يشتغلون بالموتر يا أحمد الصمعاني بالقصيم أو هشام الملا يعني أنا بالاساس منب مطمئن بالكامل لمسألة تغيير المحرك لذلك بروح عند أكثر الناس خبرة في هذا المجال علشان أريح نفسي
هلا أخوي email man
طبعا هذا الي سمعته أن أي تعديل لو خفايف يفضل برمجة ولا بيضعف الموتر لأن القوة تغيرت عليه فماراح يعطيك القوة الي بتفرق عن الكمبيوتر إلا بعد البرمجة
ممكن لاهنت تحسب تسارع موترك من 0 إلى 100 كم ثانية؟
أنا ما أعرف محلات بالشرقية لكن ليش ما تفكر تشتري من النت! أرخص وتدور الي يعجبك من الماركات أذا لك خبرة
فيه موقع http://www.summitracing.com/
حدد موديل الموتر والشركة والطراز وراح يطلع لك كل القطع الاداء الي تصلح لموديل الموتر رغم أني سمعت أن فيه مواقع أخرى أرخص منه لكنه موقع موثوق وبيكون أرخص من شرائك من المحلات أن كنت بتشتري كم قطعه
الذين يشاهدون الموضوع الآن: 1 (0 من الأعضاء و 1 زائر)