مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الله يفتحها في وجهك وين ما وجهت يا بيق مان
وماقصرت جعل عمرك طويل على الطاعه
جرى التنفيذ بحول الله
الأخ العزيز alhajer
مشكور وماقصرت على الرد
وجعله في ميزان حسناتك
اهلين شباب ..
استفسار جديد
عندي مشكلة بالاكسبلورر ( ٢٠٠٨ ) .. مع اي مطب حتى لو صغير مرة .. تولع لمبات السقف ؟؟ كان عندي اكسبلورر ٢٠٠٧ نفس المشكله ؟؟ وش السالفه ؟؟
الاكسبلورر زين ومعجبني .. لكن كثيرة الملاحظات عليه .. والا لا ياشباب ؟؟
الوالد يبغي يشتري اكسبلورر 2010 ان شاء الله
لكن عنده استفسارات
س/ كم فئة موجودة وشنو مواصفاتها؟؟
س/ كم سعر كل فئة؟؟
أسعد الله أيامكم فيه شغله طلعتلتي لها شهر بشكل يومي عندي اكسبلورر 2006 فل كامل لا جيت أشغل السيارة أو أطفيها أو حتى وأنا ماشي تطفي كل الأنوار إللي فالطبلون لمدة 5 ثوان وترجع تشتغل لكن تخلف وزنية المقاعد وبرمجة الراديو واسمع طقطقه بسيطه فالطبلون لا طفيت السيارة وما أدري مرت هالحالة على أحد من الموجودين؟
ياشباب انا عندي اكسبلورر 2008 امريكي ،،
اذا انا مشاي بسرعة 20 ولفت يطلع صوت زي الاحتكاك تحت ،، بس يروح اذا غيرت السيارة وتعديت سرعة 20
احبتي
السلام عليكم
انا عندي مشكلة سببت لي القلق ورفعت ضغطي
وابغى فزعتكم يا شباب
المشكله هي انه سيارتي 2010 اذا طلعت فيها مشاوير في الحر
وطفيتها وبعد خمس دقايق اجي اشغلها ما تشتغل لين تبرد بعد عشر دقايق بعدين تشتغل ولا كأن شي صار
والله حيرتني
المشكله اني وديتها للوكالة وعيت تطلع المشكلة بس اني شرحتها لهم
ووريتهم تصوير فيديو للمشكلة
بس المشكلة انهم ما عرفو السبب
تكفون اللي قد مرت عليه المشكلة يفيدني لأنها تكررت معي كثير
سلامي للجميع
هذي المشكله انطرحت في الجزء الاول من الاخ العضيد
احب ابلغه ان المشكله هذي صارت معي في سياره ثانيه غير الاكسبلور وطلعت المشكله من الكمبيوتر الي تحت الكويل(نهاية اطراف اسلاك البواجي )يصخن وماتشتغل السياره الا لماتبرد ممكن ماتكون نفس مشكلتك ولكن على العموم شيك عليه واذا طلعت المشكله منه علمني وبقلك الحل او اذا السياره على الضمان يغيرونه لك
شباب الي عنده مشكله بطرمبة البنزين علما ان خرباتها كثيره وغاليه عندي الحل ومجربها على جمس 2006 كانت به مشكلة الطرمبه البنزين ورحنا للوكاله غاليه وقالي الكهربائي حتى لو اخذت جديده ممكن تجلس سنه سنتين وتخرب وعندي لك حل تنسى شيء اسمه طرمبه تتوقعوا ايش سوا ؟؟؟
قالي جيب لي طرمبة جيب تويوتا وتعال وجبتها راح وولفها على الطرمبه القديمه وركبه وشغلنا السياره وزبطت وللمعلوميه ان الامريكي ايا كان اكثر مايخرب فيه طرمبة البنزين وطرحت هالموضوع للفائده لكي تستفيدون منه ولاني قريت ناس واجد تشتكي من هالمشكله
السلام عليكم
يا شباب عندي استفسار
عندي اكسبلورر ستاندر وودي اركب حساسات خلفيه
اقدر اركبها ووين وبكم تكلف تقريباً
هلا اخوي
اخوي انا كنت اسمع الصوت هذا اذا اخذت دوار او لفيت على خفيف ويطلع لى صوت احتكاك
وكان خفيف وطنشت
ومرة وانا مسافر لرياض صار يزود على الصوت وشوي اشوي لين صار الصوت واضح جداً وانا كنت في نص الطريق وقلت عسى يوصلني واخر شي وضح الخراب معي وهو رمان الكفر الامامي والله لا يوريك وضح بعد ما حذف فينا الموتر وكسر عكس السيارة ومسك فينا مانع الانزلاق وقالت السيارة هذا مكاني
فا اخوي روح شيك على رمانات السيارة الاماميه واذا غيرت واحد غير الثاني الله يعينك
ومن الضروري تغير الاثنين لان سمعت يقولون راح تختلف قوة واحد عن الثاني وراح يعطل الثاني ومشكله لا فلت وربي يكسر عليك العكس
سعر الرمان الواحد 750 ريال في المحلات وفي الوكلة 765 ريال
وشغل اليد على كل رمان 100 ريال
اخوي لا تترك سيارتك وتغلط مثل غلطي وتعرض نفسك للخطر وتخسر الكثير سطحه وعكس ورمان
خسرت 3000 ريال والمشكله بسيطه كانت ولو لطف الله ثم السيارة فيها مانع الانزلاق لا كان صار فينا شي
يا أخوان انا معي اكس بلور 2007 استندر وارد امريكا
السيارة مافيها مكيف مركزي يعني في الغمارة
هل استطيع اركب مكيف مركزي بالسيارة وفي ورشة تركب المكيف
السلام عليكم،
هل يمكن دمج الموضوع أدناه مع هذا الموضوع؟
http://www.mekshat.com/vb/showthread.php?t=338468
الذين يشاهدون الموضوع الآن: 1 (0 من الأعضاء و 1 زائر)