خيمة مكشات .. واستراحة صقار

[بوعلى ال شقاق]

صدقت يابوعقاب لانبرد يااالربع
ولاهنت على مداخلتك العطرة
وترانى جبت لكم القهوه



وبغينا السوالف السنعه كالمعتاد
تحياتي
بوعلى

[الصاعقة33]

السلام عليكم العام قانص انا وصاحبى على موترى ونسولف ونتقصص وقوله كل الحبارى اللى شفتها على وحده اواكثر من وحده قالى ماشفت اكثر من وحده قلتله لله الحمد شفت على ثنتين جميع بالسعوديه وبالعراق اجوال والله كريم الله يرزقنا وفجأه الطير تزين وطالع على طلعه ولا الحباره درج وحنا نهد الطير والحباره تطير وفجأه ولا الحباره الثانيه خالطت خويتها الاولى وقلت لصاحبى هذى الحبارى اللى تقول ماشفت اكثر من وحده شفهن شفتهن قال اى والله شفتهن قلت الله كريم والطير يطرد وبعد تقريبا 100 مترطبحت الحبارى وقام الطير يطق وينجم ويطرح وحده والثانيه تنس وتطير وحنا نسوق معها ونخلى الطير الاول وحباراه ويوم اتقينا عن الطير الاول وحباراه وحنا نرسل الطير الثانى ويلحق الحباره ويعلقها ونزل صاحبى عندهن وروح للطير الاول لايجيه احد وياخذه والحمد الله استانسنا على المهدات وصلينا صلاة شكر لله سبحانه وتعالى والله يوفقنا حنا وياكم يااعضاء مكشات وسلامتكم واسفين على الاطاله

[ذراع الذيب]

السلام عليكم العام قانص انا وصاحبى على موترى ونسولف ونتقصص وقوله كل الحبارى اللى شفتها على وحده اواكثر من وحده قالى ماشفت اكثر من وحده قلتله لله الحمد شفت على ثنتين جميع بالسعوديه وبالعراق اجوال والله كريم الله يرزقنا وفجأه الطير تزين وطالع على طلعه ولا الحباره درج وحنا نهد الطير والحباره تطير وفجأه ولا الحباره الثانيه خالطت خويتها الاولى وقلت لصاحبى هذى الحبارى اللى تقول ماشفت اكثر من وحده شفهن شفتهن قال اى والله شفتهن قلت الله كريم والطير يطرد وبعد تقريبا 100 مترطبحت الحبارى وقام الطير يطق وينجم ويطرح وحده والثانيه تنس وتطير وحنا نسوق معها ونخلى الطير الاول وحباراه ويوم اتقينا عن الطير الاول وحباراه وحنا نرسل الطير الثانى ويلحق الحباره ويعلقها ونزل صاحبى عندهن وروح للطير الاول لايجيه احد وياخذه والحمد الله استانسنا على المهدات وصلينا صلاة شكر لله سبحانه وتعالى والله يوفقنا حنا وياكم يااعضاء مكشات وسلامتكم واسفين على الاطاله

السلام عليكم ورحمة الله وبركاته,,
مسيت بخير يالصاعقه,,

ماشالله تبارك الله وعلى قدر نياتكم ترزقون والله يرزقكم سنه ورى سنه,,
بالاجوال سالفه ممتعه لاهنت وبأنتظار جديدك الطيب تحياتي لك,,

[حامد الحنيني]

طق طق طق
ياعرب ياهل الخيمه السلام عليكم ومسيتم بالخير جميعا
مشاء الله مشاء الله وانا ادور الربع واثر الربع مجتمعين بها الخيمه
بحق يالقرناس المهاجر ماعزمتني
اشكر الجميع على السواليف الزينه
المهم انا صارتلي سالفه بالمدعى قبل سنتين فيها احراج وفيها ضحك وفزعه وليتني مافزعت
مالكم بالطويله نبدأ على بركة الله
هذا ياطويل العمر والسلام دق علينا رجال وقال اليوم به تحدي حمام ولازم تجون تفرجون خويي معه طير وانا هكالوقت مغير متفرج المهم رحنى للمدعى ويوم جينى الا الربع مجتمعين من كل مكان زحمه قلت بنفسي (لابالله اللي بنتفرج ونستانس على طيور الربع ) المهم ونهد الطير الاول وتروح حمامته وانا ماسك السايز و اتفرج
وجاء الطير الثاني اللي عليه العلم وهو لواحد من خوياي
ويهد ويطرد الحمامه الا يوم حدرها مشاء الله وتجي يم السيارات والا اسمعه بالجهاز يقول تكفون ردو الطير عن السيارات عاد طيره انتحاري والحمامه خضاريه وانا انطل الدربيل وانطح الطير والحمامه انا اول واحد ناطح الطير (فزاع)وارفع ايديني على الحمامه الا الحمامه صفقت بعيني اليسرى (احسبها تبي تروغ عني يمين او يسار ثر المسكينه تناضر بالمرايه اللي وراى)المهم يوم لفتبي الدنيا والعقال بجهه والشماغ بجهه والحمامه طاحت ترفس
ومسكها واحد من العيال وشف الضحك المهم انحرجت وعيني تورمت وراح علي الهدد واخذتلي يومين وعيني مغطشه وحمرا ...
وسلامتكم .

[القرناس المهاجر]

يالله حي ابو علي ال شقاق .. اشهد انك كريم والكريم الله وحده
عزالله انك قهويتنا يالذيب .. والربع ماقصروا بالعلوم الطيبه
اخونا الصاعقه33 قال سالفه فيها من الحكمه الشي الكثير
وان الأرزاق لاتأتي بالقوة .. لكنها ميسرة
وتشرفنا بتعليق الحبيب ذراع الذيب .. الذي شرفنا بإطلالته الرائعه .. الله يوفقه

اما انت ياحامد .. حياك الله والخيمه برجالها المتواجدين
وعن تقصيري معك ابشر طال عمرك باللي يرضيك
وهذي حبة خشم .. وحياك الله

والحمد لله على سلامتك ترى يمكن واحد من الربع
رصك بوحده وانت مغير ترصد بالسايز هههههه
ارحبوا يالنشاما ..صب القهوه ياولد

[ذراع الذيب]

السلام عليكم ورحمة الله وبركاته,,
مسيتم بالخير جميعا,,

لاهنت يالمهاجر والله يعطيك العافيه ويبارك فيك,,
وبيض الله وجيهكم جميع..

احمد الصالح
سالفه رائعه للشيخ راكان الله يرحمه ويغمد روحه الجنه

عابر الموج
لاهنت على هالسالفه الطيبه امتعتنا وفالك الاجوال

راعي جالود
قصص تاريخيه لشاعرنا ومشرفنا العزيزابوعبدالله لاهنت على نقلها

ابوعقاب
لاهنت ومااقول غير الله يرضى عليك تحياتي لك

حامد الحنيني
اضحك الله سنك والله يعافيك ويبارك فيك يالنشمي

[حامد الحنيني]

مساء الخير
وين الربع فيه خمول بالخيمه وين الناس ترى السواليف واجد شجعونا شوي.

[سلطان 1]

يالقرناس المهااااجر بيض الله وجهك على هالفكره
وتوني اشوف الموضوع والسواااالف اللي تجيب العاافيه الله لا يهينكم يالربع 0
وابشرو انشالله بالسوالف الطيبه 0

[ذراع الذيب]

يالقرناس المهااااجر بيض الله وجهك على هالفكره
وتوني اشوف الموضوع والسواااالف اللي تجيب العاافيه الله لا يهينكم يالربع 0
وابشرو انشالله بالسوالف الطيبه 0

هلابك ياسلطان 1,,

ومرحبابك يالغالي يالله حيه.... هذي ابرك ساعه يوم تشاركنا,,
وبأنتظار علومك الطيبه انت وباقي الاخوه

[سلطان 1]

وينكم يالربع القهوه بردت عجلوا علينا بالسوالف الطيبه 0

[أبو أمين]

يالربع ,,, السلام عليكم ,,, انا ماغير مسير على الطاير باخذلي فنجال وبروح اكمل لي شغل لكن عندكم سلطان1 لا تخلونه ترا سواليفه بالدرازن (جمع درزن : وهو اي شئ عدده ما فوق 11 وما دون 13 ) عليكم به والله من السواليف الي تمسك الاعضاء صح ولا مهونه بالربع ,,, يالله انا انحاش قبل لا يجي.

[ذراع الذيب]

يالربع ,,, السلام عليكم ,,, انا ماغير مسير على الطاير باخذلي فنجال وبروح اكمل لي شغل لكن عندكم سلطان1 لا تخلونه ترا سواليفه بالدرازن (جمع درزن : وهو اي شئ عدده ما فوق 11 وما دون 13 ) عليكم به والله من السواليف الي تمسك الاعضاء صح ولا مهونه بالربع ,,, يالله انا انحاش قبل لا يجي.

ههههه مبين عليه والاالحين ماعطانا شي وين ياسلطان1 عطنا سالفه,,
مرت عليك بالمقناص ظريفه والا حزينه موقف صار جعلك ماتشوف الاحزان,,
وانت يابوامين روح وتعال وعطنا علومك,,

[سلطان 1]

ياذراع الذيب ابشر باللي تبي وانا خوك 0
ابو امين ما تخلي حركاااتك الفايف منتس 0

المهم هذي قصه صارت على قبل سنيااات 0

قبل تجينا اجهزه الكراااوين كنا قاااانصين والربيع اللي يخليك تنسى اهلك وربعك اللي في الديره المهم اول يوم لنا عينا جره كرااوين ديسه تخلي اللي ما يحب الكرواان ينفض القااع نفض لين يعينها المهم من الصبح الى الضحى العود ويطيح عليها واحد من الربع قال ابشرو بالجول يالربع قلنا بعدي المهم هدينا ولا فيه الا هدد بحريااااات عثاااد اصفر العين 0
قمت انا وعزلت واحد قالو الربع وش تبي به قلت ابيه جااسوس قالو على كيفك 0
المهم تغدينا وروحنا على وجهتنا ضبي عليان يرعا وهو مقفي هذا مثل ينقال دايم للي ما تمسكه الارض 0
ويوم جااء مسيااان اللي يدعي طيره واللي يعشي طيره وانا جالس اضبط الريشه في ذنيباااااء ابو الشبااااب الجااسووس 0ويوم صلينا المغرب وافكه قالو انت صاااحي من المغرب بتفكه قلت خلوه كروااني وريشتي خلوه يسري ليله المهم امرحنا ويوم صلينا الفجر وتقهوينا وانباااح الشوف قالو اسرح دور قعودك قلت ازهلوه والله ان قاله الله اني لصيح عليكم بالجول ان شالله 0
والله يالربع من ممساانا انه يضرب الجهااز قريب واروح على صوته الا الشوفه اللي تجيب العاافيه 0
الا الربع يوم صاااحو عندنا ديسه تعال يمنا قلت الا انتم وجهو يمي وعجلو قالو العلم قلت ابشرو بخمسه مع قعودي هههههههههههههههه قالو بعدي جوني وهدد يحبه قلبك 0
المهم يالربع السااالفه طويله لكن ابختصرها لكم صاااااار هالجاااسوس معي لمده عشره اياام والله اني افكه المغرب ويوم نصبح الا معه اقل شي 2 من الكرااوين 0 لين جاااااء هاااك اليوم اللي يوم اصبحنا الا الجهااااز ما يصيح ابد قالو الربع قعودك قطع القيد وروح قلت بيجيبه الله قالو الربع نبي نتفرق كل موتر يروح لجهه ويشغل جهااازه واللي يضرب معه يناادي على خويه قلنا تم 0
انا قلت ابروح غرب ان دق الجهااااز والا عودت شمال ابي المحطه ابي اعبي بزين واصلح البنشر وارجع عليكم مع الاسفلت 0
الربع اللي رااح شمال واللي راح شرق 0
يوم اخذت الا اللي رايحين شمال يوم ناادو بالجهاااز قالو ابشر به الجهاااز دق معنا قلت بشروني ان عينتو معه شي قالو ازهله 0
المهم الربع ابطو علي واناديهم لينهم يالله يسمعوني واقرب منهم لين وضح الصوت الا هم يصيحون ابشر لك بحباااارا قلت كيف قالو يوم اقبلنا على شحن بطااحي كساااراااات والصوت يضرب في وسط هالشحن ويوقفون سيااارتهم وينزلون على رجليهم واحد معه الجهاااز والثااني على يده شاهين بحريه المهم يوم اقبلو على الشحنه اللي الجهاااز يضرب يمها الا كفخت الحبااارا والله يالربع ان الربع صااابتهم مثل الربكه لدرجه ان راع الجهااااز صاااح حباااارا حبااارا قال اللي على يده الشااهين ايوالله حباااارا قال ابك هد هد لا مثل اصح ياناايم انت يااراع الشااهين وهو ياخذ من الشاااهين الله يباااارك فيها وطوقها عندهم وتعلق وتحولبها 0
الا انا جاايهم امشي الفين ههههههههههههههههههههههههه مشالله مشالله طيب وين \قعودي\ جااسوسي ههههههههههههههههههه قالو خلنا نشوفه تراااه ورا الشحنه يوم طلعنا عليه الا معه 2 كرااوين ونهد عليها وننبسط ونضبط هاااااك العشااء اللي يجيب العاافيه 0
وافك قعودي مسيااان ويوم اصبحنا واشيك على الجهاااااز وحنا على ضونا الا هو يضرب قلت ابشرو بقعودي قريب المهم ليني اشوف راااع ابل مع ابله من بعيد يمشي مع ابله على شااااصه ويمته على يمه صوت الجهااااز 0قعدنا نسولف ونتقهوا على رااحتنا ولا سرحنا الا متاااخرين واشغل الجهاااز لين مافيه صوت ادور افتر لا والله ماله حس واروح على يمته ولا عينته مدري هو طاااح فيه رااع البل وقشه بالشوزن والا خربت الذذبه 0
هذاااك اخر يوم لقعودي عزالله انه ونسنا لمده عشره ايااااااام كل يوم هدد واخر هدد على حباااارا وكرواانيييين 0 وسلااامتكم0

والله انه ابرك كروااان مر علي في حيااااتي 0

[ذراع الذيب]

السلام عليكم ورحمة الله وبركاته,,
صبحت بالخير ياسلطان1,,

الله الله على هالسالفه عزالله اني ابحرت في جوها والله اني ماتمخمخت الا اليوم,,
لو دريت عنها قبل ماتكتبها كان طلبتها منك تكتبها بموضوع مستقل وعزالله انك اقديت بهالقعودهههه,,
واخرتها حباره والله يعيد عليكم ايام الوناسه والصيد والفيد لاهنت والله يعطيك العافيه ويبارك فيك,,
تحياتي لك,,

[سلطان 1]

السلام عليكم ورحمة الله وبركاته,,

صبحت بالخير ياسلطان1,,

الله الله على هالسالفه عزالله اني ابحرت في جوها والله اني ماتمخمخت الا اليوم,,
لو دريت عنها قبل ماتكتبها كان طلبتها منك تكتبها بموضوع مستقل وعزالله انك اقديت بهالقعودهههه,,
واخرتها حباره والله يعيد عليكم ايام الوناسه والصيد والفيد لاهنت والله يعطيك العافيه ويبارك فيك,,

تحياتي لك,,

الله يعيد علينا وعليكم ومن يقرأ الوناااسه والصيد والفيد ياذراااع الذيب 0والقصص واجد لكن ارب الربع البااقين يتحفونا بقصصهم واولهم القرنااااس المهااجر صااحب الموضوع والفكره 0

ومشكور على المرور يالذيب