برأيك ما اقوى سياره في الرمل

[احب الخلا]

والله هي اربع مواتر الباث فندر والباترول بكل انواعه والشاص والددسن فالرمل مامثله ابد

الجمس حليو لاكن قيره مشكله تماتيك اذا غرز مشكله اما يطلع بسلام ولاينكسر القير

[العرهبي]

لاتروح ولاتجي السواق لوتعطية سيكل ماغرز والغشيم لوتعطيه دركتر لقيتة بله حفره ،،،،،،،،،،،،

[كموص]

حسب تجاربي الطوووويلة ولسنين عدة في الرمال اللي البني آدم يغطس فيها برجله لأعلى من الركبة , وقعت في حفرة رملية ومن جميع الجهات طلعة رملية أيضا , شبكت الدبل الكبير واتكلت على الله وخرجت من أصعب موقع رملي , وأقول أصعب موقع رملي لأنني أمتلك مزرعة وسابقا لم يكن لدينا أسفلت ولا حتى طرق ممهدة بل رمال وصخار وطعوس لطريق مسافته 90 كم , نأخذ 8 ساعات فيه .
أنه جيب ( المرسيدس) .

[النجم السراي]

حسب تجاربي الطوووويلة ولسنين عدة في الرمال اللي البني آدم يغطس فيها برجله لأعلى من الركبة , وقعت في حفرة رملية ومن جميع الجهات طلعة رملية أيضا , شبكت الدبل الكبير واتكلت على الله وخرجت من أصعب موقع رملي , وأقول أصعب موقع رملي لأنني أمتلك مزرعة وسابقا لم يكن لدينا أسفلت ولا حتى طرق ممهدة بل رمال وصخار وطعوس لطريق مسافته 90 كم , نأخذ 8 ساعات فيه .
أنه جيب ( المرسيدس) .

مشيت مع نفس هذا الطعس

لو ان البني ادم اذا يمشي فيه يوصل اعلى الركبه

اجل السياره ماتمشي

[النجم السراي]

اش رايكم

ب سوزوكي ساموراي موديل 90

[أبو مزنه]

الأمريكي والياباني خاصتن إذا جا قير عادي
ما راح تلق مثلهم

[mobe]

اش رايكم

ب سوزوكي ساموراي موديل 90

هذا اروع سيارة في الرمل
لكن كما تعلم الله يحفظك
حجمه صغير على حمل الركاب والمتاع
ولذلك زهد فيه الناس

وعلى كل حال افضل السيارات في الرمل هي (التنسيم)
70% تنسيم
و20 % سائق
و10 % من نوع السيارة

[قيوط الصحراء]

انا عندي جيب ديهاتسو دفع رباااعي اطول طعس مستعد يرقااه وهواه بعد 28 مايغرز نهااائيا حاولت انه يغرز ياجماعه بس عيا ماشالله بحكم انه خفيف مره مايعرف الغراز

[ابوفرايديز]

اتوقع الديهاتسو ممتاز ههههههههه

[شيب الشيب]

بسم الله
اتوقع الجيب الباترل

[أطلال نجد]

أتوقع جيبي

[على رمشي تمشي]

والله شف النفود غير البر بصراحه - مايكسر المواتر الا النفود خصوصاُ لا صارت معدومه من السيارات - النفود يبي له سياره مكينته قويه - ودفرنساته تتحمل والمساعدات والياي وغيره - عن التجربه بصراحه الباترول بفئاته الكامل والربع - رغم اني ما املكه الحين بس كان عندي واحد - لميزته الدفرنسين الامامي والخلفي وفوق كذا تحمله بالسحب وقوي القير ولو تلاحظ راعين المرهمات مايرهمون الا الباترول لقوي دفرنساته والقير - عقبه الربع التايوتا والباثفندر

[برق ميسان]

في الرمله سوبارو نوع فورستر هي جيب لكن صغيرة شوي ودفع رباعي
والله في الطعوس ما استخدم الدبل

[YUKON_GMC]

كلما خف وزن السياره كلما قلت تغاريزها

كلما كان الكفر رملي قلت التغاريز

كلما قل الهواء في الكفرات قلت التغاريز

كلما كان الموتر فيه دفلوك قلت التغاريز

والاهم من جميع ماذكر اعلاه .. السواق .. كلما زادت مدة استخدامه لسيارات الدبل في النفود زادت الخبره وقلت تغاريزه

[كاتم الشكوى]

كلما خف وزن السياره كلما قلت تغاريزها

كلما كان الكفر رملي قلت التغاريز

كلما قل الهواء في الكفرات قلت التغاريز

كلما كان الموتر فيه دفلوك قلت التغاريز

والاهم من جميع ماذكر اعلاه .. السواق .. كلما زادت مدة استخدامه لسيارات الدبل في النفود زادت الخبره وقلت تغاريزه

أؤيد كلامك وبقوة وهو الواقع