مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الله يعطيك العافيه يابو صالح
بس عندي ملاحظه:
لالصوره اغلبها قريبه جدا ولا يمكن انا نخمن وين موقع اللمبه للدعاسات او مكان الدقمه او مكان سلك الدينمو فلو كانت الصور عن قرب وعن بعد كان اوضح لنا
بارك الله فيك وفي ايديك وفي مجهودك العظيم
ادعوا لإبني فيصل بالرحمة
snap: yub_1....
يا الغالي عندي كم سؤال لك
اول شي الاسلاك من وين جبتها خاصة الـ 16مم
و افياش الكهرب تبع المحول وين نحصلها
و وش افضل طريقة لقص الديكور علشان نثبت الافياش و الفواصل وكيف نثبتها
والله يجزاك كل خير
هلا بك أخوي قناص*07
الله يعافيك ويخليك لعين ترجيك .
المعذرة كان بعض الصور قريبة ، ياخوي غشيم بالتصوير من زود الحرص عشان تطلع بالصورة ،
لمبة الراكب تحت الدرج من جهة الباب ولمبة السواق تحت مفاتيح الكبوت والبنزين وتم التثبيت بصمغ من ساكو
أما الدقمة فهي مثبتة بالرفرف الداخلي الأيمن
وسلك الديمنو صورته من هذه الجهه لأنه اوضح مكان حيث يدخل مع أسلاك غيره وبالنسبة للجيب اللاند فالسلك المطلوب للدقمة هو الذي جهة البطارية الأساسية ، وماريته أنه يفتح مع السويك
ولم يخطر ببالي تصوير العمل خطوة بخطوة ،
وجزاك الله خير على التنبيه وسوف أتدارك ذلك بإذن الله تعالى
يسعدني مرورك
بالتوفيق
هلا بك ومرحبتين
بالنسبة للسلك 16مم ناعم تحصله بمحلات الكهرباء الكبرى بـ7 ريال للمتر
وأشتريته من شركة سنأ للكهرباء والهاتف ببريدة شارع الصناعة
ويوجد عنه جميع ماتريد من رؤوس أسلاك وجرحور حراري وهو متخصص ببيع الجملة لكن يبيع عليك .
وأما أفياش المحول فأشتريتها من ورشة متخصصة ببريدة بصناعية الرواف الواحد بـ 30 ريال
وتم قص لوحت المفاتيح بالسكين الحارة لكن لازم تكون دقيق
وهذا الموجودة أخذتها من التشليح لكي لا أفسد الأصل .
واما الديكو فبالمشرط موجود عند ساكو حاد جداً بـ18 ريال ، لأنه سهل القص وتقدر تتحكم فيه
يسعدني مرورك
وأي إستفسار أو خدمة أنا حاضر يالغالي
بالتوفيق
مشكور يا الغالي على ردك
لكن وش هي السكين الحارة
و بالنسبة للافياش تتوقع وين احصلها في الرياض
الافياش موجوده عند محل بيع قطع غيار الاكترونيات بالبطحاء بين اللي يفصلون الاشرعه وفندق اسيا او سيناء
الواحد بـ 10 ريال صيني
شرح وافي بارك الله فيك مشكور
ســبحان الله وبحمده سبحان الله العظيم
ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى.
اللهم اعوذ بك من قلبا لايخشع ومن علما لاينفع ومن نفسا لاتشبع
احرجتني بردك
الله يسعدك والله يعطيك من خيرها ويكفيك شرها
والافياش تقدر تفتحلها بالدرل ثمين بامبرد توسع الفتحه الى المقاس اللي تحتاج.
والافضل انك تفك المسمار اللي خلف الفيش وتاخذ المقاس بالضبط اولا ثمين تفتح الفتحه.
الجرجور موجود لدى ساكو و المتر بـ 6.25 ريال(حرامي)
أي سكين صغيرة ماتبغاه سخنها على النار وإقطع بها إذا كان المشرط ما يقدر عليها .
والمشرط مثل اللي مع بعض راعين الموكيت (أبنزل له صورة عن قريب)
بالنسبة للأفياش ما عندي خبر وين تباع بالرياض
محل سوافي يمكن يبيعك
وعند رفيق الدرب فيش ثلاثي
وتحت الخدمة يالغالي
بالتوفيق
الافياش تراها تجي ياباني تبع المثبتac/dc لشركة stac وانا شريت منها قبل فتره من جده
وهذي لك يا ابو صالح
http://www.mekshat.com/vb/showpost.p...7&postcount=34
هلا بك أخوي
الله يسعد أيامك ويرفع مقدارك
أفتدتنا بملاحظاتك
أما الجرجور فتلقى عند ساكو ربطة كاملة 3-5 متر أرخص لك
وموجود عند الزينة المتر بـ4 لكن ساكو أفضل
وأما الحراري فإبتداءً من ريال للمتر وأفضل من العادي لكن يعيبه إنه متر واحد، والحل : تدخلهن ببعض وتربطهن بتيب
بالتوفيق
الذين يشاهدون الموضوع الآن: 1 (0 من الأعضاء و 1 زائر)