الله يعطيك العافيه على المعلومه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الله يعطيك العافيه على المعلومه
جزاك الله خير
الوشة ذي وينها فيه
والله نقرا فوائد جمه بهالمنتدى ........ الى الامام......
كان عندي بترول95
وفيه رجه ماخليت حل الا وسويته الا التدبيل
كبس العمدان وكبست آخر شي رجعت الرجه وخربت العمدان
وقالو جب عمدان جديده
قلت خلها عالرجه ازين
ثم زادت الرجه واروح لميكانيكي فاهم قالي هذي جلب الشداد منكسره
واغيرهن ب300 ريال
وتخف الرجه
لكن لازالت موجوده
والرجه في الباترول
من الجينات الوراثيه اللي ماتنفك عنه
ولو انفكت صار معدل بالجينات الوراثيه
التدبيل بغيت ازينه لكن قالو يعدم الدوده
قلت الموتر ابكسر والدييه تاديبا له
ولازال يرج معي
حتى ووري الجيب مثواه الاخير في التشاليح
وكان عليه من الله مايستحق كثير الرجه
حتى صار من يركبه مرجوجا
عندي سؤال خطير
سمعت عن شغل الصمعاني
فهل شغله انس المشكله كلها بعد اصلاحه
ولا يعدم الصوف
مع الزمن؟
او يترتب عليه اشياء اخرى مع الزمن
اذا كان شغله (ارقد وامن)
ابروح له
اللي جربو يفيدونا
مشكورين
كعكعكعكعكعكعكعك كعككعكك هههاهاهاهاهاهاه اههاهاهاهاهاهه
اهاهاهاههاه هقهقهقهقههق
هقهقهقههق هقهقهقههقهقه
الله يقلع ابو جد شيطانك
كعكعكعكع كعك هقهقهقكقكقخ قكقهقحكقخ
قكقخقكخق
الصمعاني ببريده ياعزيزي
راجع مشاركات الاخوان ممكن تتضح الصوره عندك
اذا ما اتضحت يبيلك كوي عند السكيت
الله يسعدك ياعزيزي
انا اشهد انك ضحكتن بقوه
بس المشاركه يبيله جواب مركز
موفق
وجدنا مكنيكي يصلح نفس الشغلة بمبلغ 130 ريال على كلام احد الاعضاء افضل من السوارية الي في ورشة البادية يصلحونها 350 ريال قال ايش ما يشتغلها الا هم الوحيدين المهم المكنيكي الي ذكره الاخ يماني رقم جواله وعنوانه كم يلي:
صناعية الملز خلف مصرف الراجحي اسم الرجل احمد وجواله 0566341060
بالتوفيق للجميع
والله مشكله عويصه يا اخواني
ظربت مشوااار للقصيم ع شان ادبل مساعد الدركسون
ودبلنااااه ... الرجه لا زالت بس أخف من اول
والله المستعان
مشكلة الرجه ان نقطة الارتكاز السفليه متقدمه للامام درجات بسيطه مما يسهل عمليه التفاف الكفرات يمين ويسار وتدحرجها للامام بسهول ويخف الحمل عن الدركسون ولتقريبه لكم اكثر ( اذا تذكرون قديما لعبه الدنينه التي تتكون من كفر صغير وسيخ حديد متصل من الاسفل بالكفر ومن الاعلى بمقبض يدك اذا قمت بتاخير مقبض يدك للخلف فان الكفر يتقدم للامام وكل ماتقدم الكفر يكون اسهل عليك التحكم بالحركه ولكن تحدث رجه بسيطه -ونقطة الارتكاز في هذه الحاله تكون السفليه هي محور الكفر والعلويه هي مقبض يدك ) نفس المبدئ
ولتوضيح فان نقط الارتكاز السفليه والعلويه في السياره هي الركب وما يقوم مقامها
واعتذر عن الاطاله
كفوا والله
للرفع كود يستفيدون الشجماعه
السلام عليكم ورحمة الله وبركاته
الله يعطيك العافية أخوي ALBDRANE
وبغيت اسم و مكان و رقم الورشة لاهنت
وشكراً ،،،
الذين يشاهدون الموضوع الآن: 1 (0 من الأعضاء و 1 زائر)