(( وجدنا الحل لرجة الدركسون في السفاري )) لا تدبيل ولا ترهيم ....!!

[البدر 707]

السلام عليكم
ياخوان انا شلت الوردات وراحت الرجه وجلست تقريبا اسبوع ورجعت مثل اول وش الحل

[ALBDRANE]

شلت الوردات ورجعت الرجة ياسلام هذا رد على بعض الاخوة الي يهونون الموضوع ويقولون الشغلة كلها تشيل وردات .

لابد تسوي مثل ما قلنا لك انا لي سنوات والرجة مختفية من سيارتي والحمدلله .

[بوالجوري]

السلام عليكم جميعا.

هذه اول مشاركة لي في المنتدى ... ومشكور اخوي البدراني على الموضوع المفيد ...

مشكلتي /

عندي سوبر سفاري 2006 ., قبل يومين كنت راجع من الدوام .. وحسيت نفضه قويه في كل البودي انا حسبت ان التاير بنشر من قوة الرج نزلت شيكت التواير مافيهم مشكله ,,, ركبت وكملت مشواري وراحت النفضه .. اليوم الثاني داومت بالفتك مشوار الدوام 75 كيلو وما ظهرت أي نفضه ,,, ولما رجعت من الدوام ظهرت النفضه القويه ,, لما اوقف وارجع امشي تختفي ويرجع الفتك طبيعي ولا كأنه صاير شئ ؟

رحت الورشه عشان يفحصوا تحت السياره حصلوا كل البوشات والمساعدات تمام .. والمشكله ان لما اوصل للفني تكون المشكله ما موجوده عشان الفني يشوف بنفسه النفضه ... المهم انا بطلت الرمانات ,, اللي فوق قال ما تحتاج تغييرلان حصل فيها جازجيت فرجعها مكانها بدون أي عمل,, راح للي تحت وشال منها الغطاء المعدني وراح المخرطه طبعا ما ادري شو عدل فيها ورجع ركبها من ثاني ... المهم طلعت بالسيارة وقبل لا اوصل البيت رجعت النفضه بس بشكل اقل بشوي ... اليوم داومت في السياره وما ظهرت النفضه ؟ احترت من النفضه لانها تجي وتختفي ؟
فما ادري شو مشكلتي بالضبط ؟
للمعلوميه انا كنت حاط جريز للشفت والدفريشنات قبل اسبوع من وقوع المشكله ؟ فهل تعتقدوا ان له دخل في موضوعي

[طحنون]

طلعت عندي نفس الرجه مع المطب
وغيرت كل شي ولا نفع شي الرجه باقي
فتك موديل 2009
موقعي الدمام اللي يعرف ورشه يحل المشكله علمونا

[ALBDRANE]

أخوي ابو الجوري أسف لتأخر الرد

الصراحة ما فهمت وش تقصد بالجريز ولا اعرف الشفت ممكن توضح
اما الرجه فيلزمك تروح لورشة البادية كما سبق ذكره
لانهم من كثر ما صلحو هالرجة صار عندهم خبرة كبيرة في هالموضوع .

[w115]

الكلام غير صحيح الرجه اكثر شي تكون من المساعد او عمود الميزان تغير جلب