يسعدني ويشرفني الأنظمام معكم وعلى بركة الله
عضو برابطة المستكشف
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يسعدني ويشرفني الأنظمام معكم وعلى بركة الله
عضو برابطة المستكشف
السلام عليكم
والله يخوي اني مستحي منكم
مع اني مشغول ماحبيت ارد لك طلبك
علما باني من الناس الذين احب ان اتمتع بالرحلة ومن معي بدون ان اخربها بالتصوير
-ووقف بصور ، انتظر بصور،البس شماغك بصور ، تعال بصورك،
خذ صورني ، هاته رده.....-
لذا عرضت لكم صورة عشوائية معبرة
انتبهوا للبطانية (الجو بارد)
والجلسة والعدة والمنطقة والسيارة ......
الله المستعان
رجعنا لايام الشتاء بالرياض وشبة الضوء والسيول
غير اني لم اجد صور للجو والغيوم والسحاب والمطر والبرد وصوت الرعود والبروق
اسال الله ان ينفع بها وان يعم بها ارجاء البلاد
اعذروني على الاختصار
شكرا لكم
مساكم الله بالخير اخواني جميعاً
كل الشكر لك اخي سعد على تأسيس هذه الرابطه ليجتمع فيها اصحاب سيارات الدفع الرباعي والذين ينوون امتلاك هذه الفئة من السيارات لتبادل الخبرات والتجارب
للتوضيح كتبت موضوع طويل عريض ومفصل ربع ساعه وانا اكتب ويوم اعتمد المشاركه قال لايمكن عرض الصفحة وسويت تراجع ومافيه فايده ضاع تعبي المهم انا حأكتب من جديد الله يعين وانتظروني
فكرة حلوه اخي ابو بدر .....على بركة الله
السلام عليكم.............
الله يعطيكم العافية على الموضوع وانا اضم صوتي الى صوتكم ونجعل الامر مهم لدى الجميع............ نيسان 4 ابواب 92
تقبل مروري
السلام عليكم معي اكسبديشن 2008 من نوع XLT سيارة ممتازة للبر والمدينة, بفضل
الله سافرت عليه من تبوك لحايل ثم القصيم ثم الرياض حتى وصلت بيتي بالخرج, والان انا بأبها واحب السفر بالبر, اما بالبر فقد ذهبت به للنفود والصمان ولله الحمد من افضل السيارات طبعا دفع رباعي,اللون اسود وهذه صورت((شـــقــار) بعرق جهام وكان ذلك في 12-1429هـ....وسلامتكم.
....قولوا ما شاء اللــــه....
أولا/ الله يطعم الجميع خير سياراتهم ويبعد عنهم شرها..
الماركة: فورد إكسبدشين
الموديل: 2007
الفئة :XLT دبل
اللون : ذهبي يسمى gold3 مثل اللي في التوقيع
المواصفات : يكفني مثبت السرعة فقط
الايجابيات: نشاط وقوة المكينة مقارنة بالحجم والوزن ... سحب وجر أوزان تصل لأكثر من 4000 كيلو... الراحة ... التحكم بالسيارة بشكل عجيب في الانعطافات المفاجئة ...
السلبيات: أنخفاض الخلوص الأرضي للموتر ... نظام الادفانس تراك ما تستطيع تفصله إلا على سرعة أقل من 40 .. واللي يدخل للنفود يحتاج لفصله على طول ...
ويعطيك العافية يا أبو بدر وعساك على القوة ...
الله يعافي الجميع ويطعمكم من خير سياراتكم ويكفيكم شرها ..
ننتظر بقية الاخوان .. للتسجيل واعطاءنا مواصفات سياراتهم ..
بصراحة استفدت كثير من معلومات طرحت هنا عن بعض السيارات
عليكم السلام ورحمه الله وبركاته
تسلم ايدك على هالرابطه
لأني مالقيت رابطه لملاك الرنج
عندي رنج روفر كلاسك 92 و 89
الأثنين 8 سلندر
الـ92 محركه 3.9 لتر مركب له قير دبل LT230 الي فيه دفلوك
الـ89 محركه 3.5 لتر + قير دبل Borg warner الأصلي
الرنج روفر دفع رباعي مستمر كل الموديلات.
محركه ألمنيوم + هيكل الرنج كله ألمنيوم إلا البيبان وهذا يخليه خفيف جدا ومايصدي (ذي معلومه الأغلب يجهلها عن الرنجات).
الرنج ماعليه كلام طبعا فخامه وراحه
راسي في الخط , تمشي 140 كأنك تمشي 30 ماتدري فيه هذا وهو موديل قديم ( قولوا ماشاء الله )
الـ 92 حرارته مع التطعيس على النص أبد ماترتفع حتى لو تقلص موتر.
والـ 89 دايما على الربع.
عيبه :
مو أي قراج يصلحه , لازم واحد فاهم في الرنجات.
قطع غياره نادره وذلك لقله مستخدمينه.
ماشاء الله عليك يابو بدر
مبدع دائما
وفكرة اكثر من رائعه
لان فيه بعض الرابطات شوي نايمين
وفيه اعضاء من هذا الرابطات وده يطلع ويجرب سيارته لكن الرابطة ماتساعده
عموما اطلب التسجيل معكم
واحتمال بسيارة غير اللي تعرفها عني
اللي هي الاكسبلورر2008
لاني ممكن اغير الكورولا الى اكستيرا
وهذا مشروع داخل راسي بقوة
ورحت للحمراني ومالقيت عندهم اكستيرا قالوا خلصت
حتى اللي في العرض مباعه
عموما يقولون بعد شهر ممكن تنزل 2010
هذا اذا مشت الامور على ما احب
والله يكتب اللي فيه خير
ومع ذلك لن اتخلى عن حبيب قلبي الاكسبلورر
تحياتي للجميع
وهذي من الاسباب التي دعت الى تكوين هذه الرابطة .. وان شاء الله نشوف الجميع مشارك معنا هنا ونطلع سوى في طلعة مرتبة ان شاء الله .. بس خله يخف الحر علينا شوي ..
هلا والله براعي الاكستيرا ... بس ما يمنع يا ابوبدر انك تسجل بسيارتين هنا .. مثل بقية الاخوان ..
بس اذا قررنا نطلع ونجرب السيارات كيف بتجيب السيارتين معك ..
مساكم الله بالخير إخواني جميعاً
كل الشكر لك أخي سعد على تأسيس هذه الرابطة ليجتمع فيها القروم من مكشات وغيره أصحاب سيارات الدفع الرباعي أو الذين ينوون امتلاك هذه الفئة من السيارات الممتعة لتبادل الخبرات والتجارب
محدثكم اللي هو إنا امتلك حالياً سيارتين دفع رباعي 1- لاندكروزر gxr موديل 2001 قير اتوماتيك
2- شفروليت بليزر موديل 1988 قير اتوماتيك
وأيضا امتلك باترول ربع موديل 1982 مع واحد من إخواني يقضي عليه لزوم وانتظر رجعته هاليومين لأنه قضا حاجته منه
المهم اللاندكروزرمميزاته كثيرة اذكر منها سيارة مريحة بالمدينة - التكييف ماشاء الله تبارك الله صرفية البنزين مناسبه جداً - سيارة عائليه فارهه - وإذا بغيتها شبابيه تعجبك - وفي البر تعتمد عليها بالنسبة للغراز او الاراضي الحجرية والجبال- وتقدر تحمل عليها العزبة والأغراض اللي تكفيك بكل أريحيه خاصة إذا شلت المقاعد الخلفية وهذي الميزه يفقدها أصحاب الجيوب الربع – وأيضاً لاتخاف على أغراضك من السرق أو العبث إذا وقفت عند محطة بالطريق أو داخل قرية ولاتخاف عليها من الغبار وانت بالبر وهذي الميزة يفقدها أصحاب الحوض سواء سيارات الوانيت أو الجيوب توفر فيه تانكيين بانزين مريح جداً ومطمئن
العيوب أولها وأهمها عدم وجود مثبت سرعة في السيارة – حجم المكينة ستة سلندر يعتبر من أهم العيوب لذلك شوف اللاندكروزر تبع الأمريكان ماعندهم ستة سلندر يعني حنا مضحوك علينا - في السفر لك عليه شوي يعني تمل من القيادة عكس السيارات الصغيرة - عدم المقدرة على السير بسرعة عالية نظراً لخطورة الموقف في حال ضرب عليك كفر لا سمح الله هذه اهم العيوب في نظري
سيارتي الثانية البليزر مميزاتها سيارة غنية عن التعريف بالقوة والصلابة - سيارة مكاشيت تحطها على يمناك يعني لاغراز ولا جبال ولا يقف في طريقك شي – صرفية البنزين مناسبة جداً - حجم السيارة من الداخل كبير نوعاً ما عن الجيوب الربع
العيوب تفتقد السيارة إلى الرساوة على الإزفلت لذلك لاتستطيع السير بسرعة – التكييف ماعندك احد – عدم توفر بعض قطع الغيار بالشكل المطلوب - وأكبر مشكله أن السيارة تكون معروفه في أي مكان تروحله بسبب قلة وجود هذه السيارة عندنا بالمنطقة
وفي الختام أدري إني طولت عليكم لكن لتعم الفائدة تم كتابة الموضوع وإن شاء الله إذا وصل الباترول بالسلامة أكتب لكم عن مميزاته وعيوبه
أكرر شكري لأخي سعد وأقوله عساك على القوه
وللجميع تحياتي وتقديري
الذين يشاهدون الموضوع الآن: 1 (0 من الأعضاء و 1 زائر)