مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
مهما كتبت وعلقت وشكرت يبو عبدالله لن ولن ولن
أكفيك حقك على هذا الابداع وهذا الفن وهذا النظم
فهي والله قصيدة سرت بها الركبان وتذاكرها الناس,,,,,
وانا أقراها وكأني اقف الان على ضفاف هذا الوادي
متذاكرا سنواته المشهورة ومواسمه الممطرة وايامه الجميلة
فلله درك من شاعر
أسف جدا يبو عبدالله على هذا التاخير فلدي بعضا من الظروف
التي حرمتني الدخول والتعليق على ماتنظمه من درر
بيض الله وجهك
((مكشات))
أخي العزيز الغالي جمران الابداع أنتم ما شاء الله أهله وذكرك الله فيمن عنده وجعلك الله تقف على الوادي وهو
كالنهر الجاري توالت عليه الامطار من الغرب إلى الشرق والعتب مردود أخي ولا حرمك الله من ملذات الدنيا
والآخرة ومتعك بالصحة والعافية وأنار الله محياك ولك تقديري واحترامي وحياك ربي
مشكور أخوي أبو عبدالله على القصيده الرائعه . وصح لسانك , وفالك البيرق, ومافيك حيله , ونتمنى منك المشاركه المتواصله . مع تــــحيات : (شـــــــــــــــــــــيــــــــــــــــخ القــــــــــــــــــــــرينه)
صح لسانك يا ابوعبدالله
( وادي الرمة )
بديت باسـم الحـي فـراج الاكـراب=رب البشر عـلام الافصـاح والغيـب
اللي بسط للخلـق صمـدات واتـراب=جعل علـى الاقفـار نقـع ومساريـب
وبارض الجزيره وادي الرمه انسـاب=تلقـى لـه بكـل النواحـي مجاذيـب
يمشي على حصبا الحزم كنـه الـداب=درهم رجيسـه بيـن ذيـك الدواريـب
مبداه في شرق المدينـه مـن هضـاب=ومنهاته بشـط العـرب عنـده يغيـب
من سفح الابيض بين عسرات واشطاب=في داخـل الحـره سـواة المثاعيـب
تصافقـت يمـه محاجيـر واشـعـاب=تلقا لهـا بيـن الرجايـب مضاريـب
اليا ارزمت مزن النشو والضحى غـاب=وابروقهـا بيـن المثانـي شلاهـيـب
وقمعه غدا مثل الزوابـع لـه ارهـاب=وارهامهـا دلـت تـدانـا بتخلـيـب
وكـوم البـرد يقعـد نهـارن ولا ذاب=والنـو يلسـب مشرفـات المراقيـب
وتوالت سنين الحيا مـا بـه اجـداب=من مقدم الخيـر ادرجـن الدواعيـب
محايـرن تسقـي مـدا كـل مسهـاب=يجري صريفه بيـن ذيـك الخناتيـب
فرايـع الـوادي ثلاثـن لـه حسـاب=ام الطيـران وملسـا والنيهـا ترتيـب
بيـن الرفايـع مدهـل ثعـال واذيـاب=اكليـل والعاقـر رفاعـن شخانـيـب
وروافـد الرمـه غـذت كـل صبـاب=تلقـا لهـا بالـدو شـق ومساحيـب
وادي الرقب من ضلع شقما لـه ادراب=مـن الثماميـه بهـا مرتـع الـذيـب
يمر مع ذيك الصحاري والاجذاب=جبال واديارن ربوعه زنانيب
طميه وضلع الحضر كنه الناب=معها بدن وابدين ذيك المهاضيب
نذكر عجاجان اللي باقي ولا عاب=تسرح معه في ما مضى شمخ النيب
وقرى الحليفه والعجاجه والاجواب=ويضا النحيتيه وبيدن مخاصيب
من بعدها وادي الجفن باقي مـا شـاب=من ضلع افيعيه مـع الشمـط تجذيـب
يمشي شمالن شرق مـع كـل مجـذاب=وليـا وطـا العقلـه تسايـل بتجنيـب
ثـم الهميليـه جـرا بكـل مثـعـاب=من مبتـدا سمـرا الشفيعـا تشاعيـب
ثم الجرير اللـي مـداه اتعـب ركـاب=من المشف اللي غـذا وادي دريـب
والداث رافد يحوي اشجـار واعشـاب=يسيح مـن دون الهضـاب الغرابيـب
يمر ابانات الحمر واسمر ارقاب=ويضا عطا واعطي طينن وربريب
والنبهانيه مع خلا الرس ضراب=وياطا العنيب ما بقاعه طحاليب
وادي النسا من بين درعان واغـراب=من غرب دخنه كالضـروع المحاليـب
ثم الرشـا وادي لـه السيـل مـدلاب=يصـب باعـروق الرمـال المكاثيـب
هـذي اهـم رفـود واديهـا مجنـاب=واما الشمال نقـول مغذاهـا وانجيـب
الاول اللـي لـه مسيـل وتسـحـاب=وادي القهد من عند اجا لـه مداليـب
ثم وادي الشعبه من ضلوعـن قـراب=من يم اجا وسلمى وروسن مصاعيـب
السيل من رمان ينساق محلاب=ينزل على مجراه ما به دغاليب
بارض المحلاني مع قطن واديـه جـاب=سيلن درو يجري كمـا دفقـة الشيـب
وابو نخله عنـد الرحـى لـه تلسـاب=لصـار نـوه كالغـروب المزاعـيـب
ثم البدايع بين الاطعاس هراب=يروح وحده من شمالن على زريب
ثم يسقي عنيزه على النفد رساب=وجنوب بريده بين الانفاد واخبيب
وليا كملـت كـل الروافـد بالاسبـاب=يغيب حـدر النفـد لا شكـن او ريـب
تحت الثويرات اختفى ما لـه قضـاب=شرق القصيم بليا حـوض ومقاضيـب
عقب الدهنا يظهر مـع البيـد ذهـاب=ويسمـى بالباطـن ولا فيـه تعريـب
يجري مع الرقعـي وداعـن بترحـاب=طاش الخليـج نهايتـه وادي الطيـب
الله من يومن جـرى يطـرب طـراب=من عالـي الحـره جروفـه تناهيـب
تضوي عليه النود فـي كـل الاقطـاب=مزونهـا مثـل الهضـاب المشاهيـب
تشرب رفيعات الشجـر عرقهـا طـاب=ومن الروي يظهر خضـار العياسيـب
يـوم الزبيـدي يحضـره كـل جـلاب=والاقط وافـر مـع نجـوع وجلاليـب
ما ينزل الهاشل بلـد عكـف الاشنـاب=الا يشـوف الخيـر بيـن المعازيـب
وقتن به الخـرب يتـوارا بالارجـاب=والحـر الاشقـر يلفعـه بالمخالـيـب
يوم القطـا ينـزل مجاويـز واسـراب=فيهـا الارانـب بالدعايـب لواعيـب
دنيا تـرا مـن يقتفـي جرتـه خـاب=مـا فيهـا غيـر المايلـه والعذاريـب
وصلاة ربـي عـد مـا يفتـح كتـاب=على النبي الهاشمي خيـر مـن جيـب
ماشاء الله الكلمات تعجز عن التعبير مهما كتبت وعبر ت فهو قليل في حقك ياأخي الفاضل
السلاااام عليكم ورحمة الله
بيض الله وجهك يابوعبدالله على هالمعلومات الطيبه وعلى القصيده الجزله
لكن ويش معنى كلمة الرمه وليش سمي بالرمه
لاهنت
الأخ العزيز سوبر152 شكرا لك أخي وحياك الله ولك تقديري واحترامي وحفظك الله ورعاك
وعليكم السلام ورحمة الله وبركاته وحياك الله أخي العزيز عادل الجابر وأنار الله محياك ولا ندمت
وبالنسبة للتسمية فلعل المقصود أن كلمة ( رم ) تعني لم الشيء وأكله جميعا كالشاة ترم العشب والرمة قد تكون
تسميته بهذا لأنه يرم جميع الأودية كما ترم الأنعام العشب أي أن جميع الروافد تنتهي إليه هذا حسب اجتهادي
وتفسيري والله أعلم بالصواب وإن كان هناك تفسيرا غير ذلك عند أحد فليذكره لنا مشكورا ولك تقديري واحترامي
ابو عبدالله يقولون خير الكلام ماقل ودل
صح لسانك في شعرك صورة لسان شاعر واعض
شكراً يابوعبدالله
صح السانك ومبروك الشهر
الذين يشاهدون الموضوع الآن: 1 (0 من الأعضاء و 1 زائر)